ന്യൂഡൽഹി : കേരളത്തെയൊട്ടാകെ ഞെട്ടിച്ച പകുതിവില തട്ടിപ്പ് കേസിൽ ജാമ്യം നിഷേധിച്ച ഹൈക്കോടതി ഉത്തരവിനെതിരെ സുപ്രീംകോടതിയെ സമീപിച്ച് സായിഗ്രാം എക്സിക്യൂട്ടീവ് ഡയറക്ടർ കെ എൻ ആനന്ദകുമാർ. (CSR Half price scam)
തനിക്ക് തട്ടിപ്പിൽ നേരിട്ട് ബന്ധമില്ലെന്നാണ് അദ്ദേഹം വാദിക്കുന്നത്. ജസ്റ്റിസ് പി വി കുഞ്ഞിക്കൃഷ്ണൻ അധ്യക്ഷനായ ബെഞ്ച് തള്ളിക്കളഞ്ഞത് മൂവാറ്റുപുഴ പോലീസ് രജിസ്റ്റർ ചെയ്ത കേസിൽ പരിഗണിച്ച ജാമ്യാപേക്ഷയാണ്.
സമാന രീതിയിൽ ആരോഗ്യ കാരണങ്ങൾ ചൂണ്ടിക്കാട്ടിയാണ് സുപ്രീംകോടതിയിലും ഹർജി നൽകിയിരിക്കുന്നത്. 10 കേസുകളിൽ അറസ്റ്റ് രേഖപ്പെടുത്തിയ ഇയാൾക്ക് ആകെ രണ്ടു കേസുകളിൽ മാത്രമാണ് ജാമ്യം ലഭിച്ചത്.