ന്യൂഡൽഹി: ബാങ്ക് ക്രെഡിറ്റ് കാർഡുകൾ, ആധാർ- പാൻ ലിങ്കിംഗ്, ആദായനികുതി (Income Tax) എന്നിവയുൾപ്പെടെ വിവിധ സേവനങ്ങളിൽ ഇന്ന് മുതൽ (1st July) പ്രധാന മാറ്റങ്ങൾ പ്രാബല്യത്തിൽ വന്നു. രാജ്യത്തുടനീളമുള്ള ആളുകൾ ഉപയോഗിക്കുന്ന നിരവധി ദൈനംദിന സേവനങ്ങളിൽ ഇന്ന് (ജൂലൈ 1) മുതൽ വിവിധ പ്രധാന മാറ്റങ്ങളാണ് രാജ്യത്ത് നടപ്പാക്കുന്നത്. പ്രത്യേകിച്ചും, പുതിയ പാൻ കാർഡിന് അപേക്ഷിക്കുന്നതിന് ആധാർ വിശദാംശങ്ങൾ ഇനി നിർബന്ധമാക്കും.
ഡിസംബർ 31-നകം പാൻ കാർഡ് ഉപയോഗിക്കുന്നവർ ആധാർ നമ്പറുമായി ബന്ധിപ്പിക്കണമെന്ന് സെൻട്രൽ ബോർഡ് ഓഫ് ഡയറക്ട് ടാക്സസ് നിർദ്ദേശിച്ചു. റെയിൽവേ ടിക്കറ്റ് ബുക്കിംഗിന് ഇന്ന് മുതൽ ആധാർ കാർഡ് പരിശോധന നിർബന്ധമാണ്. ആദായനികുതി റിട്ടേണുകൾ സമർപ്പിക്കുന്നതിനുള്ള അവസാന തീയതി ജൂലൈ 31 ൽ നിന്ന് സെപ്റ്റംബർ 15 ലേക്ക് മാറ്റി, ഇന്ന് മുതൽ ഇത് പ്രാബല്യത്തിൽ വരും. ഇത് ഗുണഭോക്താക്കൾക്ക് 46 ദിവസം കൂടി അധികമായി നൽകുന്നു.
എസ്‌ബി‌ഐ ഉൾപ്പെടെയുള്ള പ്രമുഖ ബാങ്കുകൾ അവരുടെ ക്രെഡിറ്റ് കാർഡ് ഉപഭോക്താക്കൾക്ക് നൽകുന്ന വിമാന അപകട ഇൻഷുറൻസ് സൗകര്യം നിർത്തലാക്കുന്നു. ഏറ്റവും കുറഞ്ഞ പ്രതിമാസ പേയ്‌മെന്റ് തുകയിലും മാറ്റങ്ങൾ വരുത്തിയിട്ടുണ്ട്. മറ്റൊരു പ്രമുഖ ബാങ്കിംഗ് കമ്പനിയായ എച്ച്‌ഡി‌എഫ്‌സി ബാങ്കും ക്രെഡിറ്റ് കാർഡ് ഇടപാടുകൾക്ക് പുതിയ നിരക്കുകൾ പ്രഖ്യാപിച്ചു.
ഐസിഐസിഐ ബാങ്ക് ഇന്ന് മുതൽ എടിഎം ഇടപാടുകൾക്കുള്ള സേവന നിരക്കുകളിൽ മാറ്റങ്ങൾ നടപ്പിലാക്കി. പ്രതിമാസം ആദ്യത്തെ 5 ഇടപാടുകൾക്ക് സേവന ചാർജ് ഉണ്ടായിരിക്കില്ല. അതിനുശേഷം, അതിനുശേഷം നടത്തുന്ന ഇടപാടുകൾക്ക് 23 രൂപ ഈടാക്കും, ഇതും ഇന്ന് മുതൽ പ്രാബല്യത്തിൽ വരും.
മറ്റ് ബാങ്കുകളുടെ എടിഎമ്മുകൾ ഉപയോഗിച്ച് പണമിടപാടുകൾ നടത്തുകയാണെങ്കിൽ, ഐസിഐസിഐ ഉപഭോക്താക്കൾക്ക് മെട്രോ നഗരങ്ങളിൽ 3 സൗജന്യ ഇടപാടുകളും ചെറിയ നഗരങ്ങളിൽ 5 ഇടപാടുകളും നടത്താം. ഇതിനുപുറമെ, ഓരോ ഇടപാടിനും 23 രൂപ നൽകേണ്ടിവരും.