ന്യൂഡൽഹി : സർവകക്ഷി യോഗത്തിന് പ്രധാനമന്ത്രി വരേണ്ടതായിരുന്നുവെന്ന് താൻ ഇതിനകം പറഞ്ഞിട്ടുണ്ടെന്ന് വ്യക്‌തമാക്കി മല്ലികാർജ്ജുൻ ഖാർഗെ. അദ്ദേഹം വരാത്തത് ശരിയല്ലെന്നും, രാജ്യം പ്രധാനമാണെന്നും പറഞ്ഞ ഖാർഗെ, മതവും ഭാഷയും പിന്നീട് വരട്ടെയെന്നും കൂട്ടിച്ചേർത്തു.(Congress to PM Modi)
അതിനാൽ തന്നെ നാമെല്ലാവരും രാജ്യത്തിനായി ഒരുമിച്ച് പോരാടണമെന്ന് അദ്ദേഹം ആവശ്യപ്പെട്ടു. സർക്കാരിന് പിന്തുണ നൽകണമെന്ന് താൻ പലതവണ പറഞ്ഞിട്ടുണ്ടെന്നും ഖാർഗെ കൂട്ടിച്ചേർത്തു.
"ഞങ്ങൾ പിന്തുണ നൽകും. അത് ശരിയായി പ്രയോജനപ്പെടുത്തുക." എന്ന് അദ്ദേഹം കേന്ദ്രസർക്കാരിനോട് പറഞ്ഞു. കേന്ദ്രം എല്ലാവരെയും വിശ്വാസത്തിലെടുത്താൽ, തുടർനടപടികൾ എളുപ്പമാകുമെന്നും പരസ്പരം വിമർശിക്കുന്നത് നല്ലതല്ലെന്നും ഖാർഗെ കൂട്ടിച്ചേർത്തു.