ന്യൂഡൽഹി : 2025 ഒക്ടോബർ 1 മുതൽ പ്രാബല്യത്തിൽ വരുന്ന തരത്തിൽ എണ്ണ വിപണന കമ്പനികൾ ഇന്ധന വില പരിഷ്കരിച്ചു. ദേശീയ തലസ്ഥാനത്ത് 19 കിലോഗ്രാം വാണിജ്യ എൽപിജി സിലിണ്ടറിന്റെ വില 15.50 രൂപ വർദ്ധിപ്പിച്ചു.(Commercial LPG prices hiked by Rs 15.50)
അതേസമയം ഏവിയേഷൻ ടർബൈൻ ഇന്ധനം (എടിഎഫ്) കിലോലിറ്ററിന് 3,052.50 രൂപയുടെ കുത്തനെ വർധനവ് രേഖപ്പെടുത്തി.
ഇന്ത്യൻ ഓയിലിന്റെ വെബ്‌സൈറ്റ് പ്രകാരം, ഡൽഹിയിലെ ഒരു വാണിജ്യ എൽപിജി സിലിണ്ടറിന് ഇപ്പോൾ 1,595.50 രൂപയാണ് വില. നേരത്തെ ഇത് 1,580 രൂപയായിരുന്നു. ഗാർഹിക എൽപിജി സിലിണ്ടറുകളുടെ വിലയിൽ മാറ്റമില്ല.