ഗാസിയാബാദ്: ഒമ്പതാം ക്ലാസ് വിദ്യാർത്ഥിനിയെ നാല് ആൺകുട്ടികൾ ചേർന്ന് വീടിനുള്ളിൽ ബലാത്സംഗം ചെയ്തതായി പരാതി. ഇവരിൽ മൂന്ന് പേർ ഒരേ സ്കൂളിൽ പഠിക്കുന്നവരാണ്. പോലീസ് അന്വേഷണം ആരംഭിച്ചതായി ഉദ്യോഗസ്ഥർ പറഞ്ഞു. ഞായറാഴ്ച രാവിലെ നഗരത്തിലെ ഒരു ഹൗസിംഗ് സൊസൈറ്റിയിൽ സംഭവം നടക്കുമ്പോൾ പെൺകുട്ടി വീട്ടിൽ തനിച്ചായിരുന്നു. അമ്മ മാർക്കറ്റിലേക്ക് പോയിരുന്നുവെന്ന് പോലീസ് പറഞ്ഞു.(Class 9 Girl Raped By 4 Minors In Her Ghaziabad Home)
പ്രായപൂർത്തിയാകാത്ത പെൺകുട്ടി ഇൻസ്റ്റാഗ്രാമിൽ ഒരു ആൺകുട്ടിയുമായി ബന്ധപ്പെട്ടിരുന്നു. അയാൾ അവളെ കാണണമെന്ന സന്ദേശം അയച്ചുകൊണ്ടിരുന്നു. ഞായറാഴ്ച രാവിലെ 11.30 ഓടെ അയാൾ അവളുടെ വീട്ടിലെത്തി വാതിലിൽ മുട്ടി. അവൾ ഗേറ്റ് തുറന്നപ്പോൾ, മറ്റ് മൂന്ന് ആൺകുട്ടികളുമായി അയാൾ ബലമായി മുറിയിൽ അതിക്രമിച്ചു കയറി അവളെ ബലമായി ആക്രമിച്ചുവെന്നാണ് വിവരം.
പോലീസ് എത്താൻ തുടങ്ങിയപ്പോഴേക്കും ചില സൊസൈറ്റി ഭാരവാഹികൾ വീട്ടിലെത്തി ആൺകുട്ടികളെ വിട്ടയച്ചതായി ഉദ്യോഗസ്ഥർ പറഞ്ഞു. പെൺകുട്ടിയുടെ പിതാവ് നാല് ആൺകുട്ടികൾക്കെതിരെ പരാതി നൽകിയിട്ടുണ്ട്.