ന്യൂഡൽഹി : അറസ്റ്റ് ചെയ്യപ്പെട്ടുന്ന മന്ത്രിമാരെ പദവിയിൽ നിന്നും നീക്കം ചെയ്യാനുള്ള ബിൽ സഭയിൽ അവതരിപ്പിക്കുന്നതിന് ശക്തമായി എതിർക്കുമെന്ന് പ്രതിപക്ഷം. ഈ നീക്കം പ്രതിപക്ഷ സർക്കാരുകളെ അട്ടിമറിക്കാനുള്ള കാടത്ത നിയമം ആണെന്നാണ് കെ സി വേണുഗോപാൽ പറഞ്ഞത്. (Centre to refer bills seeking removal of PM, CMs facing serious criminal charges)
ഇതും വോട്ട് കൊള്ളയെ പോലെ മറ്റൊരു അട്ടിമറി ആണെന്നും അദ്ദേഹത്തെ കൂട്ടിച്ചേർത്തു. ഈ സാഹചര്യത്തിൽ ഇന്ത്യ സഖ്യം അടിയന്തര യോഗം ചേരുകയും നീക്കങ്ങൾ തീരുമാനിക്കുകയും ചെയ്യും. ഗുരുതരമായ ക്രിമിനൽ കുറ്റങ്ങളിൽ അറസ്റ്റിലായ പ്രധാനമന്ത്രിയെയും മുഖ്യമന്ത്രിമാരെയും നീക്കം ചെയ്യുന്നതിനുള്ള വ്യവസ്ഥകളുള്ള മൂന്ന് വലിയ അഴിമതി വിരുദ്ധ കരട് നിയമങ്ങൾ പാർലമെന്റിന്റെ ഇരുസഭകളുടെയും സംയുക്ത സമിതിക്ക് കൈമാറാൻ സർക്കാർ ഒരുങ്ങുന്നു.
ഭരണഘടന (130-ാം ഭേദഗതി) ബിൽ, കേന്ദ്രഭരണ പ്രദേശങ്ങളുടെ സർക്കാർ (ഭേദഗതി) ബിൽ, ജമ്മു കശ്മീർ പുനഃസംഘടന (ഭേദഗതി) ബിൽ എന്നീ മൂന്ന് കരട് നിയമങ്ങൾ ആഭ്യന്തരമന്ത്രി അമിത് ഷാ ബുധനാഴ്ച ലോക്‌സഭയിൽ അവതരിപ്പിക്കും. പാർലമെന്റിന്റെ അടുത്ത സമ്മേളനത്തിന്റെ അവസാന ആഴ്ചയുടെ ആദ്യ ദിവസം റിപ്പോർട്ട് സമർപ്പിക്കുന്നതിനുള്ള വ്യവസ്ഥയോടെ മൂന്ന് ബില്ലുകളും ലോക്‌സഭയുടെയും രാജ്യസഭയുടെയും സംയുക്ത സമിതിക്ക് കൈമാറുന്നതിനുള്ള പ്രമേയവും അദ്ദേഹം അവതരിപ്പിക്കും.