ന്യൂഡൽഹി: കോൾഡ്രിഫ്, റെസ്പിഫ്രെഷ് ടിആർ, റീലൈഫ് എന്നീ മൂന്ന് കഫ് സിറപ്പുകൾ തിരിച്ചുവിളിച്ചതായും നിർമ്മാതാക്കൾക്ക് അവയുടെ ഉത്പാദനം നിർത്താൻ ഉത്തരവിട്ടതായും കേന്ദ്ര മരുന്ന് നിയന്ത്രണ ഏജൻസിയായ സിഡിഎസ്‌സിഒ ലോകാരോഗ്യ സംഘടനയെ (ഡബ്ല്യുഎച്ച്ഒ) അറിയിച്ചു.(CDSCO tells WHO about Cough syrups)
ഇന്ത്യയിൽ നിന്ന് ഒരു ഉൽപ്പന്നവും കയറ്റുമതി ചെയ്തിട്ടില്ലെന്ന് സിഡിഎസ്‌സിഒ ബുധനാഴ്ച ആഗോള ആരോഗ്യ ഏജൻസിയെ അറിയിച്ചതായി ഔദ്യോഗിക വൃത്തങ്ങൾ അറിയിച്ചു.
രാജ്യത്ത് കുട്ടികളുടെ മരണവുമായി ബന്ധപ്പെട്ട കഫ് സിറപ്പ് മറ്റ് രാജ്യങ്ങളിലേക്ക് കയറ്റുമതി ചെയ്തിട്ടുണ്ടോ എന്ന് ലോകാരോഗ്യ സംഘടന ഇന്ത്യൻ അധികൃതരോട് അന്വേഷിച്ചിരുന്നുവെന്ന് അവർ പറഞ്ഞു.