കൊല്ക്കത്ത: വനിതാ ഡോക്ടര് ബലാത്സംഗത്തിന് ഇരയായി കൊല്ലപ്പെട്ട കൊല്ക്കത്തയിലെ ആര്.ജി. കര് മെഡിക്കല് കോളേജിലെ മുന് പ്രിന്സിപ്പല് സന്ദീപ് ഘോഷിന്റെ ഡോക്ടര് രജിസ്ട്രേഷന് റദ്ദ് ചെയ്തു. പശ്ചിമ ബംഗാള് മെഡിക്കല് കൗണ്സിലാണ് നടപടി എടുത്തത് . ഡോക്ടറുടെ കൊലപാതകവുമായി ബന്ധപ്പെട്ടും സാമ്പത്തിക ക്രമക്കേടുകളിലും സന്ദീപ് ഘോഷിനെ സി.ബി.ഐ. അറസ്റ്റ് ചെയ്ത് ദിവസങ്ങള്ക്കുള്ളിലാണ് കൗണ്സിലിന്റെ നടപടി.
രജിസ്ട്രേഷന് റദ്ദാക്കപ്പെട്ടതോടെ സന്ദീപ് ഘോഷ് ഡോക്ടറല്ലാതായി. അദ്ദേഹത്തിന് ഇനി ആര്ക്കും ചികിത്സ നല്കാന് അവകാശമുണ്ടാകില്ല. 1914-ലെ ബംഗാള് മെഡിക്കല് ആക്ടിലെ വിവിധ വകുപ്പുകള് പ്രകാരമാണ് പശ്ചിമ ബംഗാള് മെഡിക്കല് കൗണ്സില് നടപടിയെടുത്തത്.