ബംഗളൂരു: സ്വർണ്ണക്കടത്ത് കേസിൽ അറസ്റ്റ് ചെയ്ത കന്നട നടി രന്യ റാവുവിനെതിരെ അപകീർത്തികരമായ പരാമർശം നടത്തിയ ബി.ജെ.പി എം.എൽ.എ ബസൻഗൗഡ പാട്ടീൽ യത്നലിനെതിരെ പോലീസ് കേസെടുത്തു. അകുല അനുരാധയുടെ പരാതിയുടെ അടിസ്ഥാനത്തിൽ ഇന്ത്യൻ ശിക്ഷാ നിയമത്തിലെ സെക്ഷൻ 79 പ്രകാരമാണ് ഹൈഗ്രൗണ്ട്സ് പൊലീസ് യത്നലിനെതിരെ കേസെടുത്തിരിക്കുന്നത്.
തിങ്കളാഴ്ച വിജയപുരയിൽ മാധ്യമങ്ങളോട് സംസാരിക്കുന്നതിനിടെ നടിയെക്കുറിച്ച് അപമാനകരമായ പരാമർശങ്ങൾ നടത്തിയതായി പരാതിക്കാരി ആരോപിച്ചു. റാവു ഒരു ബഹുഭാഷാ നടിയാണെന്നും സമൂഹത്തിൽ ബഹുമാനമുണ്ടെന്നും അവകാശപ്പെട്ട പരാതിക്കാരി നടിക്കെതിരായ യത്‌നാലിന്റെ പരാമർശങ്ങൾ ആക്ഷേപകരവും അശ്ലീലവും അനാദരവും നിറഞ്ഞതാണെന്ന് പരാതിയിൽ പറയുന്നു.