റോഹ്താസ്: ബിഹാറിലെ റോഹ്താസ് ജില്ലയിൽ ബിപിഎസ്സി വഴി നിയമനം ലഭിച്ച യുവ അധ്യാപികയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി (Bihar Crime). കേർപ്പ ഹയർ സെക്കൻഡറി സ്കൂളിലെ അധ്യാപികയായ സവിത കുമാരിയാണ് (29) മരിച്ചത്. സംഭവത്തിൽ അധ്യാപകൻ കൂടിയായ ഭർത്താവ് വിവേക് കുമാറിനെ പോലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്. ആത്മഹത്യയുടെ കൃത്യമായ കാരണം ഇതുവരെ വ്യക്തമായിട്ടില്ല.
രണ്ട് വർഷം മുൻപായിരുന്നു ഇവരുടെ വിവാഹം. അടുത്തിടെയാണ് സവിത പൂർണിയയിൽ നിന്നും റോഹ്താസിലേക്ക് സ്ഥലം മാറി എത്തിയത്. തിലൗത്തു മേഖലയിലെ വാടക വീട്ടിലാണ് ഇവരെ മരിച്ച നിലയിൽ കണ്ടെത്തിയത്. മൃതദേഹം പോസ്റ്റ്മോർട്ടത്തിനായി സാസാരാമിലെ സദർ ആശുപത്രിയിലേക്ക് മാറ്റി. സംഭവത്തിൽ ദുരൂഹതയുണ്ടെന്ന സംശയത്തെത്തുടർന്ന് പോലീസ് വിശദമായ അന്വേഷണം ആരംഭിച്ചിട്ടുണ്ട്.
A 29-year-old teacher, Savita Kumari, who was recruited through BPSC, was found dead by suicide in her rented house in Rohtas, Bihar. Her husband, Vivek Kumar, who is also a teacher, has been taken into police custody for questioning as the motive behind the incident remains unclear. Police have launched a detailed investigation after recovering the body and sending it for post-mortem at Sasaram Sadar Hospital.