ബംഗളൂരു: വടക്കൻ ബംഗളൂരുവിൽ തിരക്കേറിയ റോഡിൽ 55 വയസ്സുകാരിയെ വെട്ടിക്കൊലപ്പെടുത്തി (Bengaluru Murder Case). കുഡുരുഗെരെ ഗ്രാമത്തിൽ തിങ്കളാഴ്ച ഉച്ചയോടെയാണ് ദാക്ഷായണി എന്ന സ്ത്രീ അതിക്രൂരമായി കൊല്ലപ്പെട്ടത്. കൊച്ചുമകന്റെ സ്കൂളിൽ ഉച്ചഭക്ഷണം നൽകി മടങ്ങുകയായിരുന്നു ഇവർ.
ബൈക്കിലെത്തിയ അക്രമി ദാക്ഷായണിയെ തടഞ്ഞുനിർത്തുകയും കൈവശം കരുതിയിരുന്ന വാക്കത്തി ഉപയോഗിച്ച് കഴുത്തറുക്കുകയുമായിരുന്നു. നിരവധി ആളുകൾ നോക്കിനിൽക്കെയായിരുന്നു ആക്രമണം. മാരകമായി പരിക്കേറ്റ ദാക്ഷായണി സംഭവസ്ഥലത്ത് തന്നെ രക്തം വാർന്നു മരിച്ചു. കൊലപാതകത്തിന് ഉപയോഗിച്ച ആയുധം മൃതദേഹത്തിന് സമീപത്തുനിന്ന് പോലീസ് കണ്ടെടുത്തു.
കുടുംബാംഗങ്ങൾ തമ്മിലുള്ള വ്യക്തിവൈരാഗ്യമാണ് കൊലപാതകത്തിന് പിന്നിലെന്ന് ബന്ധുക്കൾ സംശയിക്കുന്നു. ഒരു ബന്ധു തന്നെയാണ് ഈ കൃത്യം ചെയ്തതെന്നാണ് പ്രാഥമിക സൂചന. സംഭവത്തിൽ കേസെടുത്ത പോലീസ് ഫോറൻസിക് സംഘത്തിന്റെ സഹായത്തോടെ അന്വേഷണം ആരംഭിച്ചിട്ടുണ്ട്.
A 55-year-old woman named Drakshayini was hacked to death on a busy road in North Bengaluru while returning home from her grandson's school. The assailant, who arrived on a motorcycle, slit her neck with a machete in broad daylight before fleeing the scene. Family members suspect a relative was behind the premeditated attack, and local police have launched a forensic investigation into the murder.