ബെംഗളൂരു: ഭാര്യയ്ക്ക് മറ്റൊരാളുമായി ബന്ധമുണ്ടെന്ന സംശയത്തെത്തുടർന്ന് ഭർത്താവ് യുവതിയെ അതിക്രൂരമായി കൊലപ്പെടുത്തി (Bengaluru Crime News). കഗ്ഗാലിപുര പോലീസ് സ്റ്റേഷൻ പരിധിയിൽ വെള്ളിയാഴ്ച രാത്രിയാണ് സംഭവം. കൊല്ലപ്പെട്ട സിഞ്ചനയും ഭർത്താവ് രേണുകയ്യയും തമ്മിൽ ഭാര്യയുടെ സ്വഭാവത്തെച്ചൊല്ലി നിരന്തരം തർക്കങ്ങൾ നിലനിന്നിരുന്നതായി പോലീസ് പറയുന്നു.
വെള്ളിയാഴ്ച രാത്രി മദ്യപിച്ചെത്തിയ രേണുകയ്യ സിഞ്ചനയുമായി വഴക്കിട്ടു. തർക്കം രൂക്ഷമായതോടെ വീടിന് മുന്നിൽ കിടന്ന കല്ലെടുത്ത് ഇയാൾ സിഞ്ചനയുടെ തലയ്ക്കടിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ സിഞ്ചന സംഭവസ്ഥലത്ത് വെച്ച് തന്നെ മരിച്ചു. കൃത്യത്തിന് ശേഷം പ്രതി ഓടി രക്ഷപ്പെട്ടു.
വിവരമറിഞ്ഞ് സ്ഥലത്തെത്തിയ കഗ്ഗാലിപുര പോലീസ് മൃതദേഹം പോസ്റ്റ്മോർട്ടത്തിനായി മാറ്റി. ഒളിവിലുള്ള രേണുകയ്യയ്ക്കായി പോലീസ് തിരച്ചിൽ ശക്തമാക്കിയിട്ടുണ്ട്. ലഹരി ഉപയോഗവും സംശയവുമാണ് ഇത്തരമൊരു അരുംകൊലയ്ക്ക് പിന്നിലെന്ന് പ്രാഥമിക അന്വേഷണത്തിൽ വ്യക്തമായതായി പോലീസ് അറിയിച്ചു.
Story Summary:
A 21-year-old woman named Sinchana was murdered by her husband, Renukaiah, in Bengaluru’s Kaggalipura after he suspected her of having an extramarital affair. He allegedly bludgeoned her with a stone.
