പൂനെ : രണ്ട് സുഹൃത്തുക്കൾ തമ്മിലുള്ള തർക്കം കലാശിച്ചത് ക്രൂര കൊലപാതകത്തിൽ. 2025 ജൂൺ 14 ശനിയാഴ്ച രാത്രി പൂനെയിലെ അംബേഗാവോ പ്രദേശത്തെ ജംഭുലവാഡി തടാക അണക്കെട്ടിന് സമീപമാണ് സംഭവം. രാത്രി 10:30 ഓടെ, തടാക അണക്കെട്ടിന് സമീപം 22 വയസ്സുള്ള രോഹിത് നാംദേവ് ധമലും 19 വയസ്സുള്ള സൂരജ് ഗണേഷ് സൂര്യവംശിയും തമ്മിൽ രൂക്ഷമായ തർക്കമുണ്ടായി. വഴക്കിനിടെ, സൂര്യവംശി ഒരു കല്ലുകൊണ്ട് ധമലിന്റെ തലയിൽ അടിക്കുകയായിരുന്നു.
ധമലിനെ ഉടൻ തന്നെ ആശുപത്രിയിലേക്ക് കൊണ്ടുപോയി, പക്ഷേ മുറിവുകളുടെ തീവ്രത കാരണം നിർഭാഗ്യവശാൽ മരണം സംഭവിക്കുകയായിരുന്നു. സംഭവത്തെത്തുടർന്ന്, സൂര്യവംശിക്കെതിരെ പോലീസ് കേസെടുത്തു.നിലവിൽ സൂര്യവംശി ഒളിവിലാണ്, അധികൃതർ അയാൾക്കായി തിരച്ചിൽ ഊർജ്ജിതമാക്കിയിട്ടുണ്ട്.