വീണ്ടും ദുരഭിമാനക്കൊല : പ്ര​ണ​യി​ച്ച് വി​വാ​ഹം ക​ഴി​ച്ച​തിന്റെ വൈരാഗ്യം; യു​വാ​വി​നെ ഭാ​ര്യ​യു​ടെ ബ​ന്ധു​ക്ക​ൾ തല്ലിക്കൊന്നു

ഭോ​പ്പാ​ൽ: പ്ര​ണ​യി​ച്ച് വി​വാ​ഹം ക​ഴി​ച്ച​തി​ലു​ള്ള പ​ക​യെ തു​ട​ർ​ന്ന് പെ​ൺ​കു​ട്ടി​യു​ടെ ബ​ന്ധു​ക്ക​ൾ യു​വാ​വി​നെ ക്രൂരമായി തല്ലിക്കൊന്നു. മ​ധ്യ​പ്ര​ദേ​ശി​ലെ ബെ​ൽ​ഗ​ഢ പോ​ലീ​സ് സ്റ്റേ​ഷ​ൻ പ​രി​ധി​യി​ലു​ള്ള ഹ​ർ​സി ഗ്രാ​മ​ത്തി​ലാ​ണ് ക്രൂര കൊലപാതകം നടന്നത്. പ്രദേശവാസിയായ ഓം ​പ്ര​കാ​ശ് ബ​ത്തം എ​ന്ന​യാ​ളാ​ണ് ദാരുണമായി കൊല്ലപ്പെട്ടത്. ശി​വാ​നി ഝ ​എ​ന്ന യു​വ​തി​യെ​യാ​ണ് ഓം ​പ്ര​കാ​ശ് വി​വാ​ഹം ക​ഴി​ച്ച​ത്. എ​ന്നാ​ൽ ഈ ​വി​വാ​ഹ​ത്തി​ന് ശി​വാ​നി​യു​ടെ ബ​ന്ധു​ക്ക​ൾ​ക്ക് താ​ത്പ​ര്യ​മി​ല്ലാ​യി​രു​ന്നു. ഒ​രാ​ഴ്ച മു​ൻ​പാ​ണ് പെൺകുട്ടിയുടെ ബന്ധുക്കൾ യുവാവിനെ ആക്രമിക്കുന്നത്. ഗു​രു​ത​ര പ​രി​ക്കേ​റ്റ് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന​തി​നി​ടെ​യാ​ണ് യു​വാ​വ് മ​ര​ണ​ത്തി​ന് കീ​ഴ​ട​ങ്ങി​യ​ത്.

വി​വാ​ഹ​ത്തി​ന് പി​ന്നാ​ലെ ഇ​രു​വ​രും ദാ​ബ്ര​യി​ലാ​യി​രു​ന്നു താ​മ​സി​ച്ചി​രു​ന്ന​ത്. എ​ന്നാ​ൽ ഓ​ഗ​സ്റ്റ് 19ന് ​ഹ​ർ​സി​യി​ലെ​ത്തി​യ ഓം ​പ്ര​കാ​ശി​നെ ഭാ​ര്യ​യു​ടെ ബ​ന്ധു​ക്ക​ൾ വളഞ്ഞിട്ട് ആക്രമിക്കുകയായിരുന്നു. ശി​വാ​നി​യു​ടെ അ​ച്ഛ​ൻ, സ​ഹോ​ദ​ര​ൻ, മ​റ്റ് ബ​ന്ധു​ക്ക​ൾ, അ​യ​ൽ​ക്കാ​ർ എ​ന്നി​വ​ർ ചേർന്നാണ് ഓം ​പ്ര​കാ​ശി​നെ ക്രൂ​ര​മാ​യി മ​ർ​ദി​ച്ചത്. ഗു​രു​ത​ര​മാ​യി പ​രി​ക്കേ​റ്റ അ​ദ്ദേ​ഹ​ത്തെ കു​ടും​ബം ഗ്വാ​ളി​യോ​റി​ലെ ജ​യ​രോ​ഗ ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. എ​ന്നാ​ൽ പ​രി​ക്ക് ഗു​രു​ത​ര​മാ​യ​തി​നെ തു​ട​ർ​ന്ന് ഓം ​പ്ര​കാ​ശ് ചികിത്സയിലിരിക്കെ മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.

സംഭവത്തിൽ യുവതിയുടെ ബന്ധുക്കൾക്കെതിരെ പോ​ലീ​സ് കൊ​ല​പാ​ത​ക​ക്കു​റ്റം ര​ജി​സ്റ്റ​ർ ചെ​യ്തി​ട്ടു​ണ്ട്. ശി​വാ​നി​യു​ടെ പ​രാ​തി​യി​ൽ നാ​ല് പേ​ർ​ക്കെ​തി​രെ ആ​ക്ര​മ​ണ​ത്തി​ന് കേ​സെ​ടു​ത്തി​രു​ന്നു. ദ്വാ​രി​ക പ്ര​സാ​ദ് ഝാ, ​രാ​ജു ഝാ, ​ഉ​മ ഓ​ജ, സ​ന്ദീ​പ് ശ​ർ​മ എ​ന്നി​വ​രാ​ണ് പ്ര​തി​ക​ൾ. ഇ​വ​ർ ഒ​ളി​വി​ലാ​ണ്. ഇ​വ​രെ അ​റ​സ്റ്റ് ചെ​യ്യു​ന്ന​തി​നാ​യി പോ​ലീ​സ് തി​ര​ച്ചി​ൽ ഊ​ർ​ജി​ത​മാ​ക്കി​യി​ട്ടു​ണ്ട്.