മുംബൈ: ഗോരേഗാവിലെ മഹാനന്ദ് ഡയറിയിൽ അമോണിയ വാതകം ചോർന്നു(Ammonia gas leak). കഴിഞ്ഞ ദിവസം രാത്രി 9:12 ഓടെയാണ് അപകടമുണ്ടായത്. 3,000 കിലോഗ്രാം ടാങ്കിലെ തകരാറുള്ള വാൽവിൽ നിന്നാണ് വാതകം ചോർന്നത്. അപകടമുണ്ടായത് ശ്രദ്ധയിൽപ്പെട്ടതോടെ ഡയറിയിലെ മുൻകരുതൽ എന്ന നിലയിൽ പ്ലാന്റിന്റെ വൈദ്യുതി ബന്ധം വിച്ഛേദിച്ചു.
ഏകദേശം 2,000 ചതുരശ്ര അടി വിസ്തീർണ്ണമുള്ള റഫ്രിജറേഷൻ യൂണിറ്റിനുള്ളിലാണ് ചോർച്ച ഉണ്ടായത്. തുടർന്ന് മുംബൈ അഗ്നിശമന സേന, പോലീസ്, ഹാസ്മറ്റ് യൂണിറ്റ് എന്നിവർ സംയുക്തമായി ചോർച്ച അടയ്ക്കാൻ ശ്രമിച്ചു. 25 ശ്വസന ഉപകരണ കിറ്റുകളുമായി ഉദ്യോഗസ്ഥർ ചോർച്ച തടയുന്നതിനായി 15 മുതൽ 16 വരെ വാൽവുകൾ അടച്ചതായാണ് വിവരം. നിലവിൽ സ്ഥിതിഗതികൾ നിയന്ത്ര വിധേയമാണ്.