ഗാസിയാബാദ്: ഉത്തർപ്രദേശിലെ ഗാസിയാബാദിൽ കൻവാർ തീർത്ഥാടകരുടെ മേൽ അമിതവേഗതയിൽ വന്ന ആംബുലൻസ് ഇടിച്ചുകയറി(Kanwar pilgrims). അപകടത്തിൽ 2 പേർ മരിക്കുകയും 3 പേർക്ക് ഗുരുതരമായി പരിക്കേൽക്കുകയും ചെയ്തു.
കൻവാർ യാത്രയ്ക്കായി ഗംഗാ നദിയിൽ നിന്ന് വെള്ളം ശേഖരിക്കാൻ തീർത്ഥാടകർ ഹരിദ്വാറിലേക്ക് പോകും വഴിയിൽ ഡൽഹി-മീററ്റ് ഹൈവേയിലാണ് സംഭവം നടന്നത്. ശനിയാഴ്ച രാത്രി 11:45 ഓടെയാണ് അപകടം സംഭവിച്ചത്.
അപകടത്തിൽ പരിക്കേറ്റവരെ മോദിനഗറിലെ ലൈഫ് ആശുപത്രിയിലും മീററ്റിലെ സുഭാർത്തി ആശുപത്രിയിലും പ്രവേശിപ്പിച്ചിരിക്കുകയാണ്. അതേസമയം മരിച്ച രണ്ട് കാൻവാരികളെയും ഇതുവരെയും തിരിച്ചറിഞ്ഞിട്ടില്ല.