'നീലാകാശത്തിലേക്കുള്ള ഞങ്ങളുടെ യാത്ര പങ്കിടാൻ ഞങ്ങൾ തയ്യാറാണ്' ഡൽഹിയിലെ വായുമലിനീകരണത്തിൽ സഹായം വാഗ്ദാനം ചെയ്ത് ചൈന | Air pollution in Delhi

ന്യൂഡൽഹി: ഫാക്ടറികളിൽ നിയന്ത്രണങ്ങൾ ഏർപ്പെടുത്തി, പഴയ വാഹനങ്ങൾ ഘട്ടം ഘട്ടമായി ഒഴിവാക്കി, കൽക്കരിയിൽ നിന്ന് പ്രകൃതിവാതകത്തിലേക്ക് മാറി. പ്രചാരണം ആരംഭിച്ചതിനുശേഷം ബീജിംഗിൽ ഓരോ വർഷവും 100-ലധികം അധിക തെളിഞ്ഞ ദിവസങ്ങൾ കണ്ടതായി ന്യൂയോർക്ക് ടൈംസ് റിപ്പോർട്ട്ന്യൂഡൽഹി: ഡൽഹിയിലും പരിസര പ്രദേശങ്ങളിലും രൂക്ഷമായ വായു മലിനീകരണ പ്രതിസന്ധി നേരിടുന്ന ഇന്ത്യയെ സഹായിക്കാൻ ചൈന സന്നദ്ധത പ്രകടിപ്പിച്ചു. ബീജിംഗ്, ഷാങ്ഹായ് തുടങ്ങിയ നഗരങ്ങളിലെ പുകമഞ്ഞ് വിജയകരമായി കുറയ്ക്കുന്നതിലൂടെ നേടിയ അനുഭവങ്ങൾ പങ്കുവെക്കാൻ തയ്യാറാണെന്ന് ഇന്ത്യയിലെ ചൈനീസ് എംബസി എക്സ് പ്ലാറ്റ്‌ഫോമിൽ അറിയിച്ചു. (Air pollution in Delhi)

ചൈനയുടെ വിജയകരമായ മലിനീകരണ നിയന്ത്രണം

മുൻകാലങ്ങളിലും ചൈനയും ഇന്ത്യയ്ക്ക് സമാനമായ ഗുരുതരമായ വായു മലിനീകരണ പ്രശ്നങ്ങൾ നേരിട്ടിട്ടുണ്ട്. ന്നാൽ മലിനീകരണം കുറയ്ക്കുന്നതിന് അവർ ശക്തമായ നടപടികൾ അന്ന് സ്വീകരിച്ചിരുന്നു. ഫാക്ടറികൾ മാറ്റി സ്ഥാപിക്കൽ, വാഹനങ്ങൾ പുറന്തള്ളുന്ന പുകയുടെ നിയന്ത്രണം, ശുദ്ധ ഊർജ്ജ ഉപയോഗം വർദ്ധിപ്പിക്കൽ എന്നിവ ഉൾപ്പെടുന്നു.

ചൈനീസ് എംബസി വക്താവ് യു ജിംഗ് എക്സിൽ കുറിച്ചത് ഇങ്ങനെ - “ഒരുകാലത്ത് ചൈന കടുത്ത പുകമഞ്ഞിന്റെ പിടിയിലായിരുന്നു. നീലാകാശത്തിലേക്കുള്ള ഞങ്ങളുടെ യാത്ര പങ്കിടാൻ ഞങ്ങൾ തയ്യാറാണ് - ഇന്ത്യ ഉടൻ തന്നെ അതിന്റെ ലക്ഷ്യത്തിലെത്തുമെന്ന് ഞാൻ വിശ്വസിക്കുന്നു.”

2013 ൽ ചൈനീസ് സർക്കാർ മലിനീകരണത്തിനെതിരെ പ്രവർത്തങ്ങൾ ആരംഭിച്ചതിന് ശേഷം, ബീജിംഗ് വായു ശുദ്ധീകരിക്കുന്നതിനായി 100 ബില്യൺ ഡോളർ (പതിനായിരം കോടി) ചെലവഴിച്ചുള്ള ഒരു ബഹുവർഷ പദ്ധതിയുമായി മുന്നോട്ട് പോയിരുന്നു. ഫാക്ടറികളിൽ നിയന്ത്രണങ്ങൾ ഏർപ്പെടുത്തി, പഴയ വാഹനങ്ങൾ ഘട്ടം ഘട്ടമായി ഒഴിവാക്കി, കൽക്കരിയിൽ നിന്ന് പ്രകൃതിവാതകത്തിലേക്ക് മാറി. പ്രചാരണം ആരംഭിച്ചതിനുശേഷം ബീജിംഗിൽ ഓരോ വർഷവും 100-ലധികം അധിക തെളിഞ്ഞ ദിവസങ്ങൾ കണ്ടതായി ന്യൂയോർക്ക് ടൈംസ് റിപ്പോർട്ട് ചെയ്തിരുന്നു. ഗ്രേറ്റ് ഗ്രീൻ വാൾ പോലുള്ള വനവൽക്കരണ പദ്ധതികളിലൂടെ മുപ്പതിനായിരം കോടി മരങ്ങൾ നട്ടുപിടിപ്പിക്കാനും ചൈന ശ്രമിച്ചിട്ടുണ്ട്.

ഡൽഹിയിലെ വായു ഗുണനിലവാരം

അതേസമയം, ബുധനാഴ്ച രാവിലെ ഡൽഹിയിലെ വായു ഗുണനിലവാര സൂചികയിൽ നേരിയ പുരോഗതി രേഖപ്പെടുത്തിയിട്ടുണ്ട്. കേന്ദ്ര മലിനീകരണ നിയന്ത്രണ ബോർഡിന്റെ കണക്കുകൾ പ്രകാരം രാവിലെ 9 മണിക്ക് മൊത്തത്തിലുള്ള വായു ഗുണനിലവാര സൂചിക 228 ആയിരുന്നു. നവംബർ 4 ന് വൈകുന്നേരം 4 മണിക്ക് ഇത് 291 ആയിരുന്നു. ഈ നേരിയ പുരോഗതി ഉണ്ടായിരുന്നിട്ടും, നഗരത്തിലെ വായു ഗുണനിലവാരം ഇപ്പോഴും 'മോശം' വിഭാഗത്തിൽ തന്നെ തുടരുന്നു.

കേന്ദ്ര മലിനീകരണ നിയന്ത്രണ ബോർഡിന്റെ കണക്കുകൾ പ്രകാരം, ആനന്ദ് വിഹാറിൽ 279 വായുനിലവാരം രേഖപ്പെടുത്തി, ലോധി റോഡിൽ അത് 213 ആയിരുന്നു. ITO യിലെ വായു ഗുണനിലവാര സൂചിക 274 ആയിരുന്നു. ആർകെ പുരം (223), ജഹാംഗീർപുരി (235), ചാന്ദ്‌നി ചൗക്ക് (228), സിരി ഫോർട്ട് (263) തുടങ്ങിയ മറ്റ് പ്രധാന പ്രദേശങ്ങളിലും മോശം വായു ഗുണനിലവാരം തുടർന്നു.

Summary: China has offered to share its successful strategies for combating severe air pollution, particularly with India, to help resolve the crisis in Delhi and surrounding areas.