ന്യൂഡൽഹി: ശനിയാഴ്ച ബർമിംഗ്ഹാമിലേക്ക് ഇറങ്ങുന്നതിന് 400 അടി ഉയരത്തിൽ നിൽക്കവേ എയർ ഇന്ത്യ ഡ്രീംലൈനറിന്റെ റാം എയർ ടർബൈൻ (RAT) പുറത്തേക്ക് വന്നു. വിമാനം സുരക്ഷിതമായി ലാൻഡ് ചെയ്യുകയും പരിശോധനകൾക്കായി നിലത്തിറക്കുകയും ചെയ്തു. ജൂൺ 12 ന് അഹമ്മദാബാദിൽ നിന്ന് നിർഭാഗ്യകരമായ എയർ ഇന്ത്യ ബോയിംഗ് 787 ഡ്രീംലൈനർ പറന്നുയർന്ന് നിമിഷങ്ങൾക്ക് ശേഷം അവസാന ആശ്രയമായ അടിയന്തര പവർ സിസ്റ്റമായ RAT പുറത്ത് വന്നു.(Air India Dreamliner RAM deploys in final approach to UK)
എല്ലാ ഇലക്ട്രിക്കൽ, ഹൈഡ്രോളിക് പാരാമീറ്ററുകളും സാധാരണ നിലയിലാണെന്ന് കണ്ടെത്തി. വിമാനം ബർമിംഗ്ഹാമിൽ സുരക്ഷിതമായി ലാൻഡിംഗ് നടത്തി. കൂടുതൽ പരിശോധനകൾക്കായി വിമാനം നിലത്തിറക്കിയിരിക്കുകയാണ്, തൽഫലമായി, ബർമിംഗ്ഹാമിൽ നിന്ന് ഡൽഹിയിലേക്കുള്ള AI114 റദ്ദാക്കുകയും അതിഥികളെ ഉൾക്കൊള്ളാൻ ബദൽ ക്രമീകരണങ്ങൾ ഏർപ്പെടുത്തുകയും ചെയ്തു.
ഒക്ടോബർ 4 ന് ഉച്ചയ്ക്ക് 12.52 ന് അമൃത്സറിൽ നിന്ന് പറന്നുയർന്ന AI 117 വൈകുന്നേരം 7.07 ന് ബർമിംഗ്ഹാമിൽ എത്തി.