തിരുനെൽവേലി: ഭരണകക്ഷിയായ ഡിഎംകെയെ വിമർശിച്ചാൽ ഇന്നത്തെ കമ്മ്യൂണിസ്റ്റ് നേതാക്കൾ പ്രകോപിതരാകുമെന്ന് പറഞ്ഞ് എ ഐ എ ഡി എം കെ ജനറൽ സെക്രട്ടറി എടപ്പാടി പളനിസ്വാമി. പക്ഷേ ജനങ്ങളുടെ ആവശ്യങ്ങൾക്കായി അപൂർവ്വമായി മാത്രമേ പ്രക്ഷോഭം നടത്താറുള്ളൂ എന്നും അദ്ദേഹം കൂട്ടിച്ചേർത്തു. (AIADMK general secretary Edappadi K Palaniswami against DMK)
സംസ്ഥാനവ്യാപകമായ പ്രചാരണത്തിന്റെ ഭാഗമായി വാസുദേവനല്ലൂർ, കടയനല്ലൂർ, തെങ്കാശി എന്നിവിടങ്ങളിൽ റോഡ് ഷോകൾ നടത്തിയ മുൻ മുഖ്യമന്ത്രി, മുൻകാലങ്ങളിൽ കമ്മ്യൂണിസ്റ്റ് നേതാക്കൾ ജനങ്ങളുടെ ആവശ്യങ്ങൾക്കായി തെരുവിലിറങ്ങിയിരുന്നുവെന്ന് പറഞ്ഞു.