'വഞ്ചെ ഗുജറാത്ത് 2.0'യുടെ കീഴിൽ നവംബർ 17 മുതൽ 23 വരെ പാൽഡിയിലെ സബർമതി റിവേർഫ്രണ്ട് ഇവന്റ് സെന്ററിൽ അഹമ്മദാബാദ് അന്താരാഷ്ട്ര പുസ്തകോത്സവം സംഘടിപ്പിക്കുന്നു. മുനിസിപ്പൽ കോർപ്പറേഷനും നാഷണൽ ബുക്ക് ട്രസ്റ്റ് ഓഫ് ഇന്ത്യയും സംയുക്തമായാണ് ഈ പുസ്തകോത്സവം സംഘടിപ്പിക്കുന്നത്. (Book Festival)
അഹമ്മദാബാദ് മുനിസിപ്പൽ കോർപ്പറേഷൻ 11 ദിവസത്തെ ഈ അറിവിന്റെ മഹാകുംഭത്തിൽ പങ്കുചേരാൻ സ്കൂളുകളിലേയും കോളേജുകളിലേയും അധ്യാപകരോടും വിദ്യാർത്ഥികളോടും പ്രിൻസിപ്പൽമാരോടും പ്രത്യേകം ആഹ്വാനം ചെയ്തിട്ടുണ്ട്.
ശരിയായ വായനയിലൂടെ ഒരു ഉയർന്ന ചിന്ത നിലവാരമുള്ള ഒരു തലമുറയെ വാർത്തെടുക്കുന്നതിന് വേണ്ടി അന്നത്തെ ഗുജറാത്ത് മുഖ്യമന്ത്രിയും പ്രധാന മന്ത്രി നരേന്ദ്ര മോദിയും ചേർന്നാണ് ഗുജറാത്തിൽ 'വഞ്ചെ ഗുജറാത്ത് ' ക്യാമ്പയിൻ ആരംഭിച്ചത്. ഇതിന്റെ ഭാഗമായാണ് എല്ലാ വർഷവും അഹമ്മദാബാദ് അന്താരാഷ്ട്ര പുസ്തകോത്സവം സംഘടിപ്പിക്കുന്നത്. അഹമ്മദാബാദ് മുനിസിപ്പൽ കോർപ്പറേഷൻ 2024 ലാണ് അഹമ്മദാബാദ് നാഷണൽ ബുക്ക് ഫെയർ എന്ന പേര് മാറ്റി അഹമ്മദാബാദ് ഇന്റർനാഷണൽ ബുക്ക് ഫെസ്റ്റിവൽ എന്ന് പേര് നൽകിയത്.