102 ദിവസത്തെ അറസ്റ്റിന് ശേഷം, ആരാധകനെ കൊലപ്പെടുത്തിയ കേസിൽ ജയിലിൽ കഴിയുന്ന കന്നഡ സൂപ്പർസ്റ്റാർ ദർശൻ ശനിയാഴ്ച തൻ്റെ അഭിഭാഷകൻ മുഖേന സെഷൻസ് കോടതിയിൽ ജാമ്യാപേക്ഷ സമർപ്പിച്ചു. ജാമ്യാപേക്ഷ സമർപ്പിച്ചതിനെ തുടർന്ന് അടിയന്തര വാദം കേൾക്കണമെന്ന് ദർശൻ്റെ അഭിഭാഷകൻ ആവശ്യപ്പെട്ടു.
എന്നാൽ സ്‌പെഷ്യൽ പബ്ലിക് പ്രോസിക്യൂട്ടർക്ക് കോടതി നോട്ടീസ് അയച്ച് കേസ് സെപ്റ്റംബർ 23ന് പരിഗണിക്കാനായി മാറ്റി. നേരത്തെ, ക്രൂരമായ കൊലപാതക കേസിലെ മുഖ്യപ്രതി പവിത്ര ഗൗഡ ഹൈക്കോടതിയിൽ ജാമ്യാപേക്ഷ സമർപ്പിച്ചെങ്കിലും പിന്നീട് പിൻവലിച്ചിരുന്നു. അത്.
അറസ്റ്റിലായതിന് ശേഷം ആദ്യമായാണ് ദർശൻ്റെ അഭിഭാഷകർ ജാമ്യാപേക്ഷ സമർപ്പിക്കുന്നത്. കുറ്റപത്രം സമർപ്പിച്ചാൽ ഉടൻ ജാമ്യാപേക്ഷ സമർപ്പിക്കുമെന്നായിരുന്നു പ്രതീക്ഷ. എന്നാൽ, കുറ്റപത്രം സമർപ്പിച്ച് രണ്ടാഴ്ച പിന്നിടുമ്പോഴാണ് നടപടി.