ജമുയി: ബിഹാറിലെ ജമുയി ജില്ലയിൽ ഒരു ഭിന്നശേഷിക്കാരനായ യുവാവിനോട് യൂട്യൂബറുടെ ക്രൂരത (Crime). 'യോഗ ഗുരു രവി കിഷൻ' എന്ന ഫേസ്ബുക്ക് അക്കൗണ്ടിൽ യൂട്യൂബർ ഭിന്നശേഷിക്കാരനെ ഭീഷണിപ്പെടുത്തുന്ന വീഡിയോ പോസ്റ്റ് ചെയ്തിരുന്നു. വെള്ള ട്രാക്ക് സ്യൂട്ട് ധരിച്ച്, കയ്യിൽ വടിയുമായി നിൽക്കുന്ന ഒരാൾ ഭിന്നശേഷിയുള്ള യുവാവിനെ ഭീഷണിപ്പെടുത്തുന്നതാണ് വീഡിയോയിലുള്ളത്. ഇയാൾ സ്വയം യോഗാ ഗുരു രവി കിഷൻ എന്ന് പരിചയപ്പെടുത്തുകയും യുവാവിനോട് ആധാർ കാർഡ് കാണിക്കാൻ ആവശ്യപ്പെടുകയും ചെയ്യുന്നുണ്ട്. "അടിക്കുമ്പോൾ വീഡിയോ എടുക്കരുത്" എന്ന് ഇയാൾ പറയുന്ന ശബ്ദവും വീഡിയോയിൽ കേൾക്കുന്നു.
വീഡിയോയിലെ ഈ വ്യക്തിയെക്കുറിച്ച് പ്രാദേശികമായി പല അവകാശവാദങ്ങളും ഉയരുന്നുണ്ട്. ഗ്രാമീണർ പറയുന്നത്, ഇയാൾ ഗിദ്ധൗർ പോലീസ് സ്റ്റേഷൻ പരിധിയിലെ കുർള ഗ്രാമത്തിലെ സുനിൽ യാദവ് എന്ന സുനിൽ ഡോൺ ആണെന്നാണ്. നാട്ടുകാരുടെ അഭിപ്രായത്തിൽ, ഇയാൾ ചിലപ്പോൾ സ്വയം യോഗാ ഗുരു എന്നും മറ്റു ചിലപ്പോൾ യൂട്യൂബ് ജേണലിസ്റ്റ് എന്നും പരിചയപ്പെടുത്താറുണ്ട്. ഇത് കൂടാതെ പലരുടെയും വീഡിയോകൾ എടുത്ത് സാമൂഹ്യ മാധ്യമങ്ങളിൽ പോസ്റ്റ് ചെയ്ത് അവരെ ശല്യപ്പെടുത്തുന്നു എന്നും ഇയാൾക്കെതിരെ ആരോപണമുണ്ട്. സുനിൽ ഡോണിനെതിരെ മോഷണം, കൊള്ള, കൊലപാതകം തുടങ്ങിയ ഗുരുതരമായ നിരവധി കേസുകൾ പോലീസ് രേഖകളിലുണ്ടെന്നും, 14 വർഷത്തോളം സംസ്ഥാനത്തെ വിവിധ ജയിലുകളിൽ ശിക്ഷ അനുഭവിച്ച ശേഷം നിലവിൽ ജാമ്യത്തിൽ കഴിയുകയാണെന്നും പ്രാദേശിക വൃത്തങ്ങൾ അവകാശപ്പെടുന്നു. വീഡിയോയിൽ "നിന്റെ രണ്ടാമത്തെ കാലും തകർക്കുന്ന വീഡിയോ എടുക്കും' എന്ന ഇയാൾ പറയുന്നത് കേൾക്കാം.
ഭിന്നശേഷിയുള്ള യുവാവിനോടുള്ള ഈ പെരുമാറ്റം മനുഷ്യത്വ രഹിതമാണെന്ന് നാട്ടുകാർ പറയുന്നു. സംഭവത്തിൽ അന്വേഷണം നടത്തണമെന്നും കുറ്റവാളിക്കെതിരെ കർശന നടപടി എടുക്കണമെന്നും ഗ്രാമീണർ ആവശ്യപ്പെട്ടു. വൈറലായ വീഡിയോ പോലീസ് ശ്രദ്ധയിൽപ്പെട്ടിട്ടുണ്ടെന്നും, പ്രാഥമിക അന്വേഷണം ആരംഭിച്ചതായും, റിപ്പോർട്ട് ലഭിച്ചതിന് ശേഷം തുടർ നടപടികൾ സ്വീകരിക്കുമെന്നും ഗിദ്ധൗർ സ്റ്റേഷൻ ഹൗസ് ഓഫീസർ ദിനാനാഥ് സിംഗ് അറിയിച്ചു.
A video showing a person allegedly misbehaving with and threatening a physically challenged young man in Jamui district, Bihar, has gone viral on social media. The man in the video, who identifies himself as 'Yoga Guru Ravi Kishan' (identified by locals as Sunil Yadav alias Sunil Don, a history-sheeter), is seen holding a stick and demanding the victim's Aadhar card.