ന്യൂഡൽഹി: വന്ദേഭാരത് സ്ലീപ്പര്‍ ട്രെയിനുകള്‍ ഉടൻ ട്രാക്കിൽ എത്തിക്കാനുള്ള നീക്കവുമായി റെയിൽവേ. അടുത്ത വര്‍ഷം അവസാനത്തോടെ പത്ത് വന്ദേഭാരത് ട്രെയിനുകൾ നിരത്തിലറക്കുമെന്ന് റെയിൽവേ അറിയിച്ചു. ആദ്യത്തെ വന്ദേഭാരത് സ്ലീപ്പര്‍ 2025ല്‍ തന്നെ സര്‍വീസ് ആരംഭിക്കുമെന്ന് റെയില്‍വേ മന്ത്രി അശ്വിനി വൈഷ്ണവ് പറഞ്ഞിരുന്നു. രണ്ട് മാസത്തെ പരീക്ഷണ ഓട്ടത്തിന് ശേഷമാകും ഈ ട്രെയിന്‍ സര്‍വീസ് ആരംഭിക്കുക. (vande bharat express)
അത്യാധുനിക സൗകര്യങ്ങളോട് കൂടിയ ട്രെയിന്‍ ഭാരത് എര്‍ത്ത് മൂവേഴ്‌സ് ലിമിറ്റഡ് എന്നറിയപ്പെടുന്ന പൊതുമേഖലാ സ്ഥാപനമായ ബിഇഎംഎല്‍ ആണ് നിര്‍മിച്ചിരിക്കുന്നത്.11 ത്രീ ടയര്‍ എസി കോച്ചുകള്‍, 4 ടു ടയര്‍ എസി കോച്ചുകള്‍, ഒരു ഫസ്റ്റ് ക്ലാസ് കോച്ച് എന്നിങ്ങനെ മൊത്തം 823 യാത്രക്കാരെ ഉള്‍ക്കൊള്ളാന്‍ ശേഷിയുള്ളതാണ് വന്ദേഭാരത് സ്ലീപ്പര്‍ ട്രെയിനുകള്‍.