ബീഹാർ : മുസാഫർപൂരിലെ കർജ പോലീസ് സ്റ്റേഷൻ പരിധിയിൽ, അമ്മയോടൊപ്പം ഒരു മേള കാണാൻ പോയ 15 വയസ്സുകാരിയെ അഞ്ച് യുവാക്കൾ ചേർന്ന് കൂട്ടബലാത്സംഗം ചെയ്തു. മേള സന്ദർശിക്കുന്നതിനിടെ ഇര അമ്മയിൽ നിന്ന് വേർപിരിഞ്ഞു പോകുകയായിരുന്നു. അവസരം മുതലെടുത്ത് അഞ്ച് യുവാക്കൾ പെൺകുട്ടിയെ തട്ടിക്കൊണ്ടുപോയി ആളൊഴിഞ്ഞ പ്രദേശത്തേക്ക് കൊണ്ടുപോയി കൂട്ടബലാത്സംഗത്തിന് ഇരയാക്കുകയായിരുന്നു.
ബോധം വീണ്ടെടുത്ത ശേഷം പെൺകുട്ടി വീട്ടിലെത്തി അമ്മയോട് സംഭവം പറയുകയായിരുന്നു. ഇരയുടെ അമ്മ പിന്നീട് കർജ പോലീസ് സ്റ്റേഷനിൽ എത്തി പരാതി നൽകി. സംഭവം അറിഞ്ഞയുടനെ പോലീസ് വേഗത്തിൽ നടപടി സ്വീകരിച്ച് രണ്ട് യുവാക്കളെ അറസ്റ്റ് ചെയ്തു, ബാക്കിയുള്ള മൂന്ന് പേർ ഇപ്പോഴും ഒളിവിലാണ്.
സംഭവത്തെക്കുറിച്ച് വിവരം ലഭിച്ചതിനെത്തുടർന്ന് രണ്ട് യുവാക്കളെ അറസ്റ്റ് ചെയ്തതായി റൂറൽ പോലീസ് സൂപ്രണ്ട് രാജേഷ് സിംഗ് പ്രഭാകർ പറഞ്ഞു. പെൺകുട്ടിയെ വൈദ്യപരിശോധനയ്ക്ക് വിധേയമാക്കുകയും മൊഴി രേഖപ്പെടുത്തുകയും ചെയ്തു. മറ്റ് യുവാക്കളെ അറസ്റ്റ് ചെയ്യാൻ പോലീസ് റെയ്ഡ് നടത്തുകയാണ്. നിലവിൽ പോലീസ് കൂടുതൽ അന്വേഷണത്തിലാണ്.