ഹൈദരാബാദ്: ഉപേക്ഷിക്കപ്പെട്ട വീട്ടിൽ നിന്ന് അസ്ഥികൂടം കണ്ടെത്തി. ഹബീബ്നഗർ പോലീസ് സ്റ്റേഷൻ പരിധിയിലാണ് സംഭവം. പോലീസ് പറയുന്നതനുസരിച്ച്, തിങ്കളാഴ്ച നമ്പള്ളിയിലെ കഫേ പേർഷ്യ ഹോട്ടലിന് പിന്നിലെ തെരുവിൽ രണ്ട് ആൺകുട്ടികൾ ക്രിക്കറ്റ് കളിക്കുകയായിരുന്നു, അതേസമയം പന്ത് അടുത്തുള്ള ഉപേക്ഷിക്കപ്പെട്ട വീട്ടിലേക്ക് തെറിച്ച് പോയി .തുടർന്ന് വീട്ടിൽ പന്ത് തിരയാൻ കയറിയ കുട്ടിയാണ് അസ്ഥികൂടം കണ്ടത്. ആ കുട്ടി തന്റെ മൊബൈൽ ഫോണിൽ അസ്ഥികൂടത്തിന്റെ വീഡിയോ എടുത്ത് സോഷ്യൽ മീഡിയയിൽ പോസ്റ്റ് ചെയ്തു. വിവരം ലഭിച്ചയുടനെ പോലീസ് ഉടൻ സ്ഥലത്തെത്തി പരിശോധന നടത്തി.
അസ്ഥികൂടം വിശദമായ പരിശോധനക്കായി ആശുപത്രിയിലേക്ക് കൊണ്ടുപോകാൻ കഴിയാത്തതിനാൽ ഒരു മെഡിക്കൽ സംഘത്തെ സംഭവസ്ഥലത്തേക്ക് എത്തിച്ചാണ് പോലീസ് പരിശോധന നടത്തിയത്. മരിച്ചയാളെ തിരിച്ചറിയാൻ അന്വേഷണം നടക്കുന്നുണ്ട്. ഡിസിപി ചന്ദ്രമോഹൻ, എസിപി കിഷൻ, എസ്എച്ച്ഒ പുരുഷോത്തം എന്നിവർ സംഭവസ്ഥലം പരിശോധിച്ചു.