ചെന്നൈയിൽ പത്താം ക്ലാസ് വിദ്യാർത്ഥിയെ സഹപാഠികൾ ലൈംഗികമായി പീഡിപ്പിച്ചതായി പരാതി

dwrqfg


ചെന്നൈയിൽ പത്താം ക്ലാസ് വിദ്യാർത്ഥിയെ സഹപാഠികൾ ലൈംഗികമായി പീഡിപ്പിച്ചു. ചെന്നൈയിലെ കേന്ദ്രീയ വിദ്യാലയത്തിൽ പഠിക്കുന്ന 15 വയസ്സുകാരനെ വയറുവേദന, തലകറക്കം, ശരീരവേദന എന്നിവയെ തുടർന്ന് ബുധനാഴ്ച നഗരത്തിലെ സർക്കാർ നടത്തുന്ന കെഎംസി ആശുപത്രിയിൽ പ്രവേശിപ്പിച്ചു.

കൗമാരക്കാരൻ തന്നെ ചികിത്സിക്കുന്ന ഡോക്ടർമാരോട് താൻ നേരിടുന്ന പീഡനത്തെക്കുറിച്ച് പറഞ്ഞതായും നിയമപ്രകാരം ഉടൻ തന്നെ ഡോക്ടർമാർ പോലീസിൽ വിവരമറിയിച്ചതായും റിപ്പോർട്ടുണ്ട്. കാമ്പസിൽ തങ്ങളുടെ മകൻ നേരിടുന്ന ലൈംഗികാതിക്രമവും പീഡനവും സംബന്ധിച്ച് കൗമാരക്കാരന്റെ മാതാപിതാക്കൾ രണ്ട് ദിവസം മുമ്പ് സ്‌കൂൾ മാനേജ്‌മെന്റിന് രേഖാമൂലം പരാതി നൽകിയിരുന്നു.

“നാല് മാസം മുമ്പാണ് ഞങ്ങൾ മകനെ പോണ്ടിച്ചേരിയിലെ കെവിയിൽ നിന്ന് ചെന്നൈയിലേക്ക് മാറ്റിയത്. സ്‌കൂളിൽ ചേർന്ന് ഏകദേശം ഒരു മാസത്തിന് ശേഷം, തന്നെ അസഭ്യമായ ഭാഷ സംസാരിക്കാൻ നിർബന്ധിക്കുകയും വയറ്റിലും തലയിലും ഞരമ്പിലും ഇടിക്കുകയും ശുചിമുറിയിൽ സ്വയം തൊടാൻ പോലും നിർബന്ധിച്ചു"  കുട്ടിയുടെ പിതാവ് പറഞ്ഞു.

“രണ്ട് ദിവസം മുമ്പ് ഞാൻ ഒരു പരാതി നൽകിയിരുന്നു. എന്റെ മകൻ എന്നോട് മുമ്പ് ഒന്നും പറയാത്തതിനാലാണ് ഇത്രയും വൈകിയ പരാതി. ഇത്തരത്തിൽ ഒരു സ്‌കൂളിൽ ഒരു വിദ്യാർത്ഥിയെ അടിച്ച് പീഡിപ്പിക്കുകയാണ്. സ്കൂളിൽ എന്തെങ്കിലും കൗൺസിലിംഗ് ഉണ്ടോ? ഒരു കുട്ടിയെ അടിക്കുക, ലൈംഗികമായി ഉപദ്രവിക്കുക, ഭക്ഷണം മോഷ്ടിക്കുക, ഭീഷണിപ്പെടുത്തുക, ഇത് വളരെ സങ്കടകരമാണ്, ”അദ്ദേഹം പറഞ്ഞു.

കൗമാരക്കാരനെ വസ്ത്രം ഉരിഞ്ഞ് സ്വയംഭോഗം ചെയ്യിക്കുകയും വിസമ്മതിച്ചപ്പോൾ മർദിക്കുകയും ചെയ്തതായും കുട്ടിയുടെ പിതാവ് ആരോപിച്ചു. തന്റെ മകൻ സ്‌കൂളിൽ പോകാൻ ഭയപ്പെടാൻ തുടങ്ങിയെന്നും ഒരു മാസം മുമ്പ് അധ്യാപകർക്ക് വാക്കാൽ പരാതി നൽകിയിരുന്നെന്നും അദ്ദേഹം അവകാശപ്പെട്ടു. എന്നാൽ പരാതി കുട്ടിയുടെ അവസ്ഥ കൂടുതൽ വഷളാക്കുകയേയുള്ളൂ, കൂടുതൽ പരാതികൾ വന്നാൽ കൊല്ലുമെന്ന് പോലും കുട്ടിയോട് പറഞ്ഞിരുന്നതായി പിതാവ് പറഞ്ഞു.

കുട്ടിയുടെ ആന്തരികാവയവങ്ങൾക്ക് ക്ഷതമുണ്ടെന്ന് ഡോക്ടർമാർ പറഞ്ഞതായി പിതാവ് ആരോപിച്ചു. ഇപ്പോൾ ഐസിയുവിലാണ്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. എന്നാൽ സ്‌കൂൾ മാനേജ്‌മെൻറെ  ഇതുവരെ പോലീസിൽ പരാതി നൽകിയിട്ടില്ല

Share this story