Operation Kalanemi : 'ഓപ്പറേഷൻ കലനേമി': ഡെറാഡൂണിൽ 82 വ്യാജ ബാബമാർ അറസ്റ്റിൽ

ഡെറാഡൂൺ: ഉത്തരാഖണ്ഡ് സർക്കാർ ആരംഭിച്ച 'ഓപ്പറേഷൻ കലനേമി' പ്രകാരം, ആളുകളെ വഞ്ചിച്ചതായി ആരോപിച്ച് സാധുക്കളായും സന്യാസിമാരായും വേഷം ധരിച്ച 34 പേരെ കൂടി ഞായറാഴ്ച പോലീസ് അറസ്റ്റ് ചെയ്തതായി ഉദ്യോഗസ്ഥർ പറഞ്ഞു. ഇതോടെ ഡെറാഡൂണിൽ നടത്തിയ ഓപ്പറേഷനിൽ ആകെ 82 വ്യാജ ബാബമാരെ അറസ്റ്റ് ചെയ്തതായി ഉദ്യോഗസ്ഥർ അറിയിച്ചു.(82 fake babas held in Dehradun under 'Operation Kalanemi')

മതത്തിന്റെ മറവിൽ പൊതുജനവിശ്വാസം ചൂഷണം ചെയ്യുന്നവർക്കെതിരെ കർശന നടപടിയെടുക്കണമെന്ന മുഖ്യമന്ത്രി പുഷ്കർ സിംഗ് ധാമിയുടെ നിർദ്ദേശത്തെ തുടർന്നാണ് വ്യാഴാഴ്ച പരിശോധന ആരംഭിച്ചതെന്ന് ഡെറാഡൂൺ സീനിയർ പോലീസ് സൂപ്രണ്ട് (എസ്എസ്പി) അജയ് സിംഗ് പറഞ്ഞു.