ബെംഗളൂരു: ചൊവ്വാഴ്ച പുലർച്ചെ സർക്കാർ ഉടമസ്ഥതയിലുള്ള വിക്ടോറിയ ആശുപത്രിയിലെ പൊള്ളൽ വാർഡിലെ സെമിനാർ മുറിയിൽ ചെറിയ തീപിടുത്തമുണ്ടായി. ഇതേ തുടർന്ന് 26 രോഗികളെ മറ്റൊരു വാർഡിലേക്ക് മാറ്റിയതായി അധികൃതർ അറിയിച്ചു.(26 patients shifted after minor fire breaks out in Bengaluru's Victoria Hospital)
സംഭവത്തിൽ ആളപായമോ പരിക്കുകളോ റിപ്പോർട്ട് ചെയ്തിട്ടില്ലെന്ന് അവർ പറഞ്ഞു. പുലർച്ചെ 3 മണിക്ക് ഉണ്ടായ തീപിടുത്തം കെട്ടിടത്തിന്റെ ഒന്നാം നിലയിലെ വാർഡിനോട് ചേർന്നുള്ള സെമിനാർ മുറിയിലെ സ്വിച്ച് ബോർഡിലെ ഷോർട്ട് സർക്യൂട്ട് മൂലമാണെന്ന് സംശയിക്കുന്നതായി ആശുപത്രി അധികൃതർ പറഞ്ഞു.