ത്സാൻസി: ഉത്തർപ്രദേശിലെ ത്സാൻസിയിൽ മൂന്ന് വയസ്സുകാരിയെ ലൈംഗികമായി പീഡിപ്പിച്ച കേസിൽ 23-കാരനായ യുവാവിന് കോടതി ജീവപര്യന്തം തടവ് ശിക്ഷ വിധിച്ചു (Jhansi POCSO Case). ശിക്ഷയ്ക്ക് പുറമെ 2,11,000 രൂപ പിഴയായും ഒടുക്കാൻ സ്പെഷ്യൽ ജഡ്ജ് മുഹമ്മദ് നിയാസ് അഹമ്മദ് അൻസാരി ഉത്തരവിട്ടു.
2023 ഡിസംബറിലാണ് കേസിനാസ്പദമായ സംഭവം നടന്നത്. ഭക്ഷണം നൽകാമെന്ന് പ്രലോഭിപ്പിച്ച് പ്രതി പെൺകുട്ടിയെ തട്ടിക്കൊണ്ടുപോവുകയായിരുന്നു എന്ന് സ്പെഷ്യൽ പബ്ലിക് പ്രോസിക്യൂട്ടർ വിജയ് സിംഗ് കുശ്വാഹ കോടതിയെ അറിയിച്ചു. കുട്ടിയെ കാണാതായതിനെ തുടർന്ന് പിതാവ് പോലീസിൽ പരാതി നൽകി. തുടർന്ന് നടത്തിയ അന്വേഷണത്തിൽ പ്രതി കുട്ടിയെ കൊണ്ടുപോയതെന്ന് കണ്ടെത്തുകയായിരുന്നു. തിരച്ചിലിനൊടുവിൽ ഒരു ഇടവഴിയിൽ ബോധരഹിതയായ നിലയിലാണ് കുട്ടിയെ കണ്ടെത്തിയത്.
ഐപിസിയിലെയും പോക്സോ നിയമത്തിലെയും വിവിധ വകുപ്പുകൾ പ്രകാരം ഇയാൾ കുറ്റക്കാരനാണെന്ന് കോടതി കണ്ടെത്തി. പിഴ തുക ഒടുക്കിയില്ലെങ്കിൽ പ്രതി മൂന്ന് വർഷം കൂടി അധികമായി തടവ് അനുഭവിക്കേണ്ടി വരുമെന്നും വിധിന്യായത്തിൽ പറയുന്നു.
A local court in Jhansi, Uttar Pradesh, has sentenced a 23-year-old man to life imprisonment for sexually assaulting a three-year-old girl in December 2023. The convict, who lured the child with food, was also fined over Rs 2 lakh by the Special POCSO Court. The victim was found unconscious in an alley after her father filed a missing person complaint, leading to the swift arrest and conviction of the perpetrator.