ലാത്തൂർ: പോലീസിന്റെ മാനസിക പീഡനം സഹിക്കവയ്യാതെ യുവാവ് ആത്മഹത്യ ചെയ്ത സംഭവത്തിൽ മഹാരാഷ്ട്രയിലെ ലാത്തൂർ ജില്ലയിൽ പ്രതിഷേധം ശക്തം (Crime). ഔറാദ് സ്വദേശിയായ ഇമ്രാൻ ഖലീൽമിയ ബേലൂറിനെ (22) വ്യാഴാഴ്ച വൈകുന്നേരമാണ് ടെർണ നദിക്ക് സമീപമുള്ള വനത്തിൽ തൂങ്ങിമരിച്ച നിലയിൽ കണ്ടെത്തിയത്. താൻ ആത്മഹത്യ ചെയ്യാൻ പോകുകയാണെന്നും അതിന് ഉത്തരവാദികൾ ഒരു അസിസ്റ്റന്റ് പോലീസ് ഇൻസ്പെക്ടറും ഡ്രൈവറുമാണെന്നും ആരോപിക്കുന്ന വീഡിയോ യുവാവ് സോഷ്യൽ മീഡിയയിൽ പങ്കുവെച്ചിരുന്നു.
2022-ൽ താൻ ജോലി ചെയ്തിരുന്ന കടയിലെ മോഷണക്കേസുമായി ബന്ധപ്പെട്ട് ഇമ്രാൻ അറസ്റ്റിലായിരുന്നു. മോഷണമുതൽ കണ്ടെടുത്തുവെങ്കിലും പിന്നീട് പോലീസ് തന്നെയും കുടുംബത്തെയും വിടാതെ പിന്തുടർന്ന് പീഡിപ്പിക്കുകയായിരുന്നുവെന്ന് ഇമ്രാൻ വീഡിയോയിൽ പറയുന്നു. അസമയത്ത് വീട്ടിലെത്തി ഭീഷണിപ്പെടുത്തുന്നതായും മാനസികമായി തളർത്തുന്നതായും ഇമ്രാൻ ആരോപിച്ചു. യുവാവിന്റെ മരണത്തിന് ഉത്തരവാദികളായ പോലീസുകാർക്കെതിരെ കേസെടുക്കാതെ മൃതദേഹം താഴെയിറക്കാൻ സമ്മതിക്കില്ലെന്ന് പറഞ്ഞ് ബന്ധുക്കളും നാട്ടുകാരും വൻ പ്രതിഷേധം നടത്തി. ഇതോടെ അർദ്ധരാത്രി വരെ മൃതദേഹം മരത്തിൽ തന്നെ കിടന്നു. പ്രതിഷേധത്തെത്തുടർന്ന് ആരോപണവിധേയരായ പോലീസുകാർക്കെതിരെ കേസെടുക്കാനുള്ള നടപടികൾ ആരംഭിച്ചതായി പോലീസ് ഇൻസ്പെക്ടർ സുധീർ സൂര്യവംശി അറിയിച്ചു. മൃതദേഹം നിലംഗ ആശുപത്രിയിൽ പോസ്റ്റ്മോർട്ടം നടത്തി.
A 22-year-old man named Imran Khalilmia Belure died by suicide in Maharashtra's Latur district on December 25, 2025, after alleging persistent harassment by an Assistant Police Inspector and a police driver. Before his death, Imran posted a viral video on social media accusing the officers of mental torture and intimidating his family regarding a 2022 theft case.