ചെന്നൈ: തമിഴ്നാടിന്റെ തനത് സംസ്കാരമായ ജല്ലിക്കട്ട് മത്സരങ്ങൾക്ക് 2026-ൽ തുടക്കമാകുന്നു (Jallikattu 2026). ഈ വർഷത്തെ ആദ്യ മത്സരം ജനുവരി 3-ന് പുതുക്കോട്ടൈ ജില്ലയിലെ തച്ചൻകുറിച്ചി ഗ്രാമത്തിൽ നടക്കും. ഇതിനായി തമിഴ്നാട് സർക്കാർ ഔദ്യോഗികമായി അനുമതി നൽകി. മൃഗസംരക്ഷണ വകുപ്പിന്റെ ഗസറ്റ് വിജ്ഞാപനം വഴിയാണ് അനുമതി അറിയിച്ചിരിക്കുന്നത്.
തമിഴ്നാട്ടിലെ ജല്ലിക്കട്ട് സീസണിന് എല്ലാ വർഷവും തുടക്കമിടുന്നത് തച്ചൻകുറിച്ചിയിലെ വാടിവാസലുകളിൽ നിന്നാണ്. ഈ വർഷവും ആ പാരമ്പര്യം തുടരുന്നു. സുരക്ഷാ മാനദണ്ഡങ്ങൾ പാലിച്ച് മാത്രമേ മത്സരം നടത്താവൂ എന്ന് സർക്കാർ കർശന നിർദ്ദേശം നൽകിയിട്ടുണ്ട്.
മൃഗങ്ങളോടുള്ള ക്രൂരത തടയുന്നതിനുള്ള നിയമ ഭേദഗതികൾ (2017) അനുസരിച്ചാണ് മത്സരത്തിന് അനുമതി നൽകിയിരിക്കുന്നത്. ഇത്തവണ അപേക്ഷകൾ സമർപ്പിക്കുന്നത് മുതൽ മത്സരക്രമം വരെയുള്ള കാര്യങ്ങൾ പൂർണ്ണമായും ഓൺലൈൻ പോർട്ടൽ വഴിയാണ് ഏകോപിപ്പിക്കുന്നത്. കാളകൾക്കും കായികതാരങ്ങൾക്കും കർശനമായ ആരോഗ്യപരിശോധനകൾ നടത്തും. കാണികളുടെ സുരക്ഷയ്ക്കായി ഇരട്ട ബാരിക്കേഡുകൾ സ്ഥാപിക്കാനും അടിയന്തര ചികിത്സാ സൗകര്യങ്ങൾ ഉറപ്പാക്കാനും ജില്ലാ ഭരണകൂടത്തിന് നിർദ്ദേശം നൽകിയിട്ടുണ്ട്. കഴിഞ്ഞ വർഷം 600-ഓളം കാളകൾ പങ്കെടുത്ത ഈ ആവേശപ്പോരാട്ടത്തിൽ ഇത്തവണയും വലിയ ജനപങ്കാളിത്തമാണ് പ്രതീക്ഷിക്കുന്നത്.
The 2026 Jallikattu season in Tamil Nadu officially begins on January 3 at Thatchankurichi village in Pudukkottai district. The state government has issued a gazette notification granting permission for the event under strict safety and animal welfare regulations. Applications for the event are being processed through a transparent online portal, with mandatory health checks for both bulls and tamers to ensure an incident-free traditional sport.