കോർബ: ചത്തീസ്ഗഡിലെ കോർബ ജില്ലയിൽ 19 വയസ്സുകാരിയെ അഞ്ചംഗ സംഘം കൂട്ടബലാത്സംഗത്തിനിരയാക്കി (Chhattisgarh Korba Gangrape). പോലീസിന്റെ അടിയന്തര സേവന വാഹനമായ 'ഡയൽ 112' സ്വകാര്യ ഡ്രൈവർ ഉൾപ്പെടെ രണ്ട് പേരെ പോലീസ് കസ്റ്റഡിയിലെടുത്തു. ബാങ്കിമോംഗ്ര പോലീസ് സ്റ്റേഷൻ പരിധിയിൽ ജനുവരി 8-ന് രാത്രിയാണ് നാടിനെ നടുക്കിയ സംഭവം നടന്നത്.
പെൺകുട്ടിക്ക് മുൻപരിചയമുള്ള പ്രതികളിൽ ഒരാൾ ഫോണിൽ വിളിച്ചുവരുത്തുകയായിരുന്നു. തുടർന്ന് ബാങ്കിമോംഗ്രയിലെ വിജനമായ ഒരു വീട്ടിലെത്തിച്ച പെൺകുട്ടിയെ പോലീസ് വാഹനത്തിന്റെ ഡ്രൈവറും സുഹൃത്തുക്കളും ചേർന്ന് ക്രൂരമായി പീഡിപ്പിച്ചു. ബോധരഹിതയായ പെൺകുട്ടിയെ ഉപേക്ഷിച്ച് പ്രതികൾ കടന്നുകളയുകയായിരുന്നു. ബോധം തിരിച്ചുകിട്ടിയ പെൺകുട്ടി വീട്ടിലെത്തി വീട്ടുകാരോട് വിവരം പറയുകയും തുടർന്ന് പോലീസിൽ പരാതി നൽകുകയുമായിരുന്നു.
സിവിൽ ലൈൻസ് പോലീസ് സ്റ്റേഷനിൽ രജിസ്റ്റർ ചെയ്ത 'സീറോ എഫ്ഐആർ' പിന്നീട് തുടർ അന്വേഷണത്തിനായി ബാങ്കിമോംഗ്ര പോലീസ് സ്റ്റേഷനിലേക്ക് മാറ്റി. കോർബ എസ്പി സിദ്ധാർത്ഥ് തിവാരിയുടെ നേതൃത്വത്തിൽ നടന്ന അന്വേഷണത്തിലാണ് പോലീസ് ഹെൽപ്പ് ലൈൻ വാഹനത്തിന്റെ ഡ്രൈവറും മറ്റൊരു പ്രതിയും പിടിയിലായത്. ഒളിവിൽ പോയ മറ്റ് മൂന്ന് പ്രതികൾക്കായി പോലീസ് ഊർജ്ജിതമായ തിരച്ചിൽ നടത്തിവരികയാണ്. കുറ്റകൃത്യത്തിൽ പോലീസുമായി ബന്ധപ്പെട്ട വ്യക്തി ഉൾപ്പെട്ടത് ചത്തീസ്ഗഡ് പോലീസിന് വലിയ നാണക്കേടായിട്ടുണ്ട്.
A 19-year-old woman was gang-raped by five men, including a private driver of the 'Dial 112' police emergency vehicle, in Chhattisgarh's Korba district. Two suspects have been detained, while police are searching for three others involved in the horrific crime that occurred on the night of January 8. The victim, who was found unconscious, is currently receiving medical treatment as authorities conduct a high-level investigation into the breach of public trust involving a police-affiliated individual.