നാഗ്പൂർ: നാഗ്പൂരിലെ കൊറാഡിയിലുള്ള മഹാലക്ഷ്മി ജഗദംബ ദേവസ്ഥാനിന്റെ നിർമ്മാണത്തിലിരിക്കുന്ന ഗേറ്റിന്റെ സ്ലാബ് ശനിയാഴ്ച തകർന്നുവീണു. പതിനേഴു തൊഴിലാളികൾക്ക് പരിക്കേറ്റു. ഇതിൽ മൂന്ന് പേർ ഗുരുതരാവസ്ഥയിലാണെന്ന് ഉദ്യോഗസ്ഥർ പറഞ്ഞു.(17 injured as slab of under-construction temple gate collapses in Nagpur)
സംഭവം രാത്രി 8 മണിയോടെയാണ് നടന്നതെന്ന് അവർ വ്യക്‌തമാക്കി. അവരെ ആശുപത്രിയിൽ പ്രവേശിപ്പിച്ചു. പോലീസും അഗ്നിശമന സേനയും പരിസരവാസികളും ഉടൻ രക്ഷാപ്രവർത്തനം ആരംഭിച്ചു. എൻഡിആർഎഫ് ഉദ്യോഗസ്ഥരും സ്ഥലത്തുണ്ട്. ജില്ലാ കളക്ടർ വിപിൻ ഇടങ്കറും ഡെപ്യൂട്ടി പോലീസ് കമ്മീഷണർ നികേതൻ കദമും ഓപ്പറേഷൻ നിരീക്ഷിച്ചുവരികയാണ്.
തകർച്ചയുടെ കാരണം ഇതുവരെ കണ്ടെത്തിയിട്ടില്ലെന്നും, കുറച്ച് സമയത്തിനുള്ളിൽ വിദഗ്ധർ സ്ഥലം പരിശോധിക്കുമെന്നും ആണ് വിവരം.