

ചെന്നൈ: ശിവഗംഗയ്ക്ക് സമീപം നാച്ചിയാർപുരത്ത് തമിഴ്നാട് ട്രാൻസ്പോർട്ട് കോർപ്പറേഷൻ്റെ രണ്ട് ബസ്സുകൾ കൂട്ടിയിടിച്ച് 12 പേർ മരിച്ചു. 40 ഓളം യാത്രക്കാർക്ക് പരിക്കേറ്റു. മരിച്ചവരിൽ കുട്ടികളും ഉൾപ്പെടുന്നുവെന്നാണ് വിവരം.
ഞായറാഴ്ച വൈകിട്ട് അഞ്ച് മണിയോടെ നാച്ചിയാർപുരം പോളിടെക്നിക് കോളേജിന് സമീപമാണ് അപകടമുണ്ടായത്.ബസ്സുകൾ നേർക്കുനേർ കൂട്ടിയിടിക്കുകയായിരുന്നു എന്ന് ദൃക്സാക്ഷികൾ പറഞ്ഞു.പരിക്കേറ്റ യാത്രക്കാരെ ഉടൻ തിരുപ്പത്തൂരിലെയും ശിവഗംഗയിലെയും സർക്കാർ ആശുപത്രികളിൽ പ്രവേശിപ്പിച്ചു. ഇവരിൽ പലരുടെയും നില അതീവ ഗുരുതരമാണ്.
അപകടവിവരമറിഞ്ഞ് പോലീസ് സൂപ്രണ്ട് ശിവ പ്രസാദ് അപകടസ്ഥലം സന്ദർശിക്കുകയും രക്ഷാപ്രവർത്തനങ്ങൾ ഏകോപിപ്പിക്കുകയും ചെയ്തു.സംഭവത്തിൽ നാച്ചിയാർപുരം പോലീസ് കേസെടുത്ത് അന്വേഷണം ആരംഭിച്ചു.