ആടിനെ മേയ്ക്കാൻ പോയ 10 വയസ്സുകാരിയെ ക്രൂരമായി പീഡിപ്പിച്ചു; പ്രതിക്കായി തിരച്ചിൽ

നവാഡ : ബീഹാറിലെ നവാഡ ജില്ലയിൽ നിന്നും മനുഷ്യത്വത്തെ മരവിപ്പിക്കുന്ന ഒരു വാർത്തയാണ് ഇപ്പോൾ പുറത്ത് വരുന്നത്. ർഹത് പോലീസ് സ്റ്റേഷൻ പരിധിയിൽ 10 വയസ്സുള്ള ഒരു പെൺകുട്ടിയെ ക്രൂരമായ ലൈംഗിക പീഡനത്തിന് ഇരയാക്കിയതായാണ് റിപ്പോർട്ട്. പ്രായപൂർത്തിയാകാത്ത പെൺകുട്ടി വയലിൽ ആടിനെ മേയ്ക്കാൻ പോയിരുന്നു. ഈ സമയത്ത് പെൺകുട്ടിയെ ബലമായി പീഡിപ്പിക്കുകയും, സംഭവശേഷം ഇവിടെ നിന്നും കടന്നു കളയുകയുമായിരുന്നു. ഇയാളെ അറസ്റ്റ് ചെയ്യാൻ പോലീസ് തുടർച്ചയായി റെയ്ഡ് നടത്തുകയാണ്. എന്നാൽ ഇതുവരെ പോലീസിന് ഇയാളെ പിടികൂടാൻ കഴിഞ്ഞിട്ടില്ല. ഡിഎസ്പി ഗുൽഷൻ കുമാറും മറ്റ് പോലീസ് ഉദ്യോഗസ്ഥരും സ്ഥലത്തെത്തി തെളിവുകൾ ശേഖരിച്ചു. ഇരയായ പെൺകുട്ടിയെ വൈദ്യപരിശോധനയ്ക്കായി നവാഡ സദർ ആശുപത്രിയിലേക്ക് അയച്ചു.