കോഴിക്കോട്: തദ്ദേശ തിരഞ്ഞെടുപ്പിൽ എൽഡിഎഫ് പ്രതീക്ഷിച്ചതിലും വലിയ വിജയം നേടുമെന്ന് ടി.പി. രാമകൃഷ്ണൻ അഭിപ്രായപ്പെട്ടു. യുഡിഎഫിനെതിരെ വർഗീയ കൂട്ടുകെട്ട് ആരോപിച്ച അദ്ദേഹം, ശബരിമലയിലെ സ്വർണക്കൊള്ള ആരോപണത്തെക്കുറിച്ചും പ്രതികരിച്ചു.(Will achieve a bigger victory than expected, says TP Ramakrishnan on Local body elections)
വർഗീയ കൂട്ടുകെട്ട് കേരളത്തിൽ രൂപപ്പെട്ടിട്ടുണ്ട് എന്ന് ടി.പി. രാമകൃഷ്ണൻ ആരോപിച്ചു. വെൽഫെയർ പാർട്ടി യുഡിഎഫിൻ്റെ ഭാഗമായാണ് തിരഞ്ഞെടുപ്പിൽ പ്രവർത്തിക്കുന്നതെന്നും അദ്ദേഹം ചൂണ്ടിക്കാട്ടി.
"തീവ്രവാദ-വർഗീയ സംഘടനകളുമായി എൽഡിഎഫ് സഹകരിക്കില്ല, സഖ്യമില്ല," എന്നും അദ്ദേഹം വ്യക്തമാക്കി. ശബരിമലയിലെ സ്വർണക്കൊള്ള വിവാദത്തിൽ സർക്കാരിൻ്റെ നിലപാട് അദ്ദേഹം ആവർത്തിച്ചു. "ശബരിമലയിലെ ഒരു തരി സ്വർണം പോലും നഷ്ടമാവില്ല. തെറ്റ് ചെയ്ത ആരെയും ഞങ്ങൾ സംരക്ഷിക്കില്ല," ടി.പി. രാമകൃഷ്ണൻ പറഞ്ഞു.