തിരുവനന്തപുരം: വോട്ടർ പട്ടികയിൽ നിന്ന് തന്‍റെ പേര് നീക്കം ചെയ്ത നടപടിക്കെതിരെ നിയമപോരാട്ടം ഉറപ്പിച്ച് യു.ഡി.എഫ്. സ്ഥാനാർഥി വൈഷ്ണ സുരേഷ്. തിരുവനന്തപുരം കോർപ്പറേഷനിലെ മുട്ടട വാർഡ് സ്ഥാനാർഥിയായ വൈഷ്ണ സുരേഷ്, പേര് നീക്കിയതിനെ ചോദ്യം ചെയ്ത് ഹൈക്കോടതിയെ സമീപിച്ചതിനൊപ്പം ജില്ലാ വരണാധികാരി കൂടിയായ കളക്ടർക്കും ഔദ്യോഗികമായി പരാതി നൽകിയിട്ടുണ്ട്.(Vaishna Suresh in legal battle, UDF in hope)
ഈ വിഷയത്തിൽ ഹൈക്കോടതിയുടെയും കളക്ടറുടെയും നടപടി നിർണായകമാകും. വോട്ടർ പട്ടികയിൽ സംഭവിച്ച പിഴവ് തിരുത്തി, പേര് വെട്ടിയ നടപടി റദ്ദാക്കണമെന്നാണ് വൈഷ്ണയുടെ പ്രധാന ആവശ്യം.
വോട്ടർ പട്ടികയിൽ പിഴവുണ്ടായതിനാലാണ് തനിക്ക് വോട്ട് ചെയ്യാൻ കഴിയാത്ത സാഹചര്യം ഉണ്ടായതെന്നും, ഇത് ഉടൻ തിരുത്തി നീതി ഉറപ്പാക്കണമെന്നും അവർ പരാതിയിൽ ചൂണ്ടിക്കാട്ടി. തിരഞ്ഞെടുപ്പ് പ്രക്രിയക്കിടെ സ്ഥാനാർഥിയുടെ പേര് പട്ടികയിൽ നിന്ന് നീക്കം ചെയ്തത് വലിയ രാഷ്ട്രീയ വിവാദത്തിന് വഴിവെച്ചിരിക്കുകയാണ്.