മലപ്പുറം: കൽപ്പകഞ്ചേരിയിൽ എൽ.ഡി.എഫ്. വനിതാ സ്ഥാനാർത്ഥിയെ ഭീഷണിപ്പെടുത്തിയതായി പരാതി. പത്തൊൻപതാം വാർഡിലെ സ്ഥാനാർത്ഥിയായ ജസീദ കെ.സി.യെ ആണ് ഭീഷണിപ്പെടുത്തിയത്. നാമനിർദേശ പത്രിക ഉടൻ പിൻവലിക്കണമെന്നും, അല്ലാത്തപക്ഷം ബുദ്ധിമുട്ടുകൾ നേരിടേണ്ടിവരുമെന്നുമാണ് ഭീഷണിപ്പെടുത്തിയ സംഘം സ്ഥാനാർത്ഥിയോട് പറഞ്ഞത്.(Threat to female LDF candidate in Malappuram, demanding withdrawal of nomination )
ഇന്നലെ രാത്രിയിൽ കാറിലെത്തിയ രണ്ടംഗ സംഘമാണ് ഭീഷണി മുഴക്കിയത്. ഇതുസംബന്ധിച്ച സ്ഥാനാർത്ഥിയുടെ പരാതിയിൽ കൽപ്പകഞ്ചേരി പോലീസ് കേസെടുത്ത് അന്വേഷണം ആരംഭിച്ചു.
ഭീഷണിപ്പെടുത്തിയവർ വെൽഫെയർ പാർട്ടി പ്രവർത്തകരാണെന്ന് കെ.സി. ജസീദ ആരോപിച്ചു. ഈ വാർഡിൽ വെൽഫെയർ പാർട്ടിയാണ് എൽ.ഡി.എഫിൻ്റെ എതിർ സ്ഥാനാർത്ഥിയായി മത്സരിക്കുന്നത്. തെരഞ്ഞെടുപ്പ് അടുത്തതോടെ മലപ്പുറത്തെ പ്രാദേശിക തലത്തിൽ ഭീഷണിയുടെ രൂപത്തിൽ വിവാദം ഉടലെടുത്തത് രാഷ്ട്രീയ ശ്രദ്ധ ആകർഷിച്ചിട്ടുണ്ട്.