കൽപ്പറ്റ: വയനാട് ജില്ലയിൽ യൂത്ത് കോൺഗ്രസ് സംസ്ഥാന സെക്രട്ടറി ജഷീർ പള്ളിവയൽ വിമതനായി മത്സരിക്കുന്ന സാഹചര്യത്തിൽ, ഇന്ന് രമ്യമായ പരിഹാരം ഉണ്ടാകുമെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഒ.ജെ. ജനീഷ് പ്രതികരിച്ചു. പാർട്ടിയെ പ്രതിസന്ധിയിലാക്കുന്ന നിലപാട് ജഷീർ കൈക്കൊള്ളില്ലെന്നാണ് പ്രതീക്ഷയെന്നും, ജഷീർ ഉയർത്തിയ പ്രശ്നം പാർട്ടി ഗൗരവത്തോടെയാണ് കാണുന്നതെന്നും ജനീഷ് തൃശൂരിൽ പറഞ്ഞു.(Rebel movement in Wayanad, Youth Congress leadership says efforts are being made to resolve the issue)
ജഷീർ വിമതനായി മത്സരിക്കുന്ന സാഹചര്യത്തിൽ അദ്ദേഹത്തെ അനുനയിപ്പിക്കാനുള്ള ശ്രമങ്ങളുമായി കോൺഗ്രസ് നേതൃത്വം മുന്നോട്ട് പോവുകയാണ്. പത്രിക പിൻവലിക്കണം എന്ന് ആവശ്യപ്പെട്ട് നേതാക്കളിൽ ചിലർ ജഷീറുമായി ചർച്ച നടത്തി.
സംസ്ഥാനത്ത് നിരവധി യൂത്ത് കോൺഗ്രസ് നേതാക്കൾക്ക് മത്സരിക്കാൻ അവസരം ലഭിച്ചിട്ടുണ്ട്, എങ്കിലും അത് പൂർണ്ണമല്ലെന്നും ഒ.ജെ. ജനീഷ് കൂട്ടിച്ചേർത്തു. വയനാട് ജില്ലാ പഞ്ചായത്തിലേക്ക് കേണിച്ചിറ ഡിവിഷനിൽ നിന്നാണ് ജഷീർ പള്ളിവയൽ വിമത സ്ഥാനാർത്ഥിയായി മത്സരിക്കുന്നത്.