തിരുവനന്തപുരം: തദ്ദേശ തെരഞ്ഞെടുപ്പ് വോട്ടെണ്ണലിന്റെ ആദ്യ റൗണ്ടുകൾ എണ്ണിത്തുടങ്ങിയപ്പോൾ തിരുവനന്തപുരം കോർപ്പറേഷനിൽ അട്ടിമറി സൂചനകളുമായി ആദ്യ ഫലങ്ങൾ പുറത്തുവരുന്നു. തുടക്കം എൻഡിഎയ്ക്ക് അനുകൂലമായതോടെ നിലവിലെ ഭരണപക്ഷത്തിനും യുഡിഎഫിനും ആശങ്കയുണ്ടാക്കുന്ന സ്ഥിതിയാണ്.(NDA advances in the first round in Thiruvananthapuram Corporation)
എൻഡിഎ ലീഡ്: 8 സീറ്റുകളിൽ
എൽഡിഎഫ് ലീഡ്: 4 സീറ്റുകളിൽ
യുഡിഎഫ് ലീഡ്: 1 സീറ്റിൽ മാത്രം
കഴിഞ്ഞ തവണത്തെ മുഖ്യപ്രതിപക്ഷമായിരുന്ന എൻഡിഎ, ഇക്കുറി ഭരണം പിടിക്കുമെന്ന അവകാശവാദത്തോടെയാണ് മത്സരിച്ചത്. ആദ്യ ഘട്ടത്തിലെ ലീഡ് നില ഈ അവകാശവാദത്തിന് ബലം നൽകുന്നു. നിലവിലെ ഭരണകക്ഷിയായ എൽഡിഎഫിന് ആദ്യ ഫലങ്ങൾ ആശ്വസിക്കാൻ വക നൽകുന്നില്ല. കഴിഞ്ഞ തവണത്തെ പ്രകടനം ആവർത്തിക്കാൻ കഴിഞ്ഞിട്ടില്ലെങ്കിൽ അത് ഭരണപക്ഷത്തിന് തിരിച്ചടിയാകും.
കെ.എസ്. ശബരീനാഥനെ മേയർ സ്ഥാനാർത്ഥിയായി രംഗത്തിറക്കിയ യുഡിഎഫിന് കാര്യമായ നേട്ടമുണ്ടാക്കാൻ ആദ്യ ഫല സൂചനകളിൽ കഴിയുന്നില്ലെന്നാണ് വിലയിരുത്തൽ. ഒറ്റ സീറ്റിലെ ലീഡ് മാത്രമാണ് യുഡിഎഫിന് നിലവിൽ ആശ്വസിക്കാൻ വക നൽകുന്നത്.