ഇന്നത്തെ കാലത്ത് ഒട്ടുമിക്ക മനുഷ്യരെയും അലട്ടുന്ന ആരോഗ്യ പ്രശ്നമാണ് പൊണ്ണത്തടി (Obesity). ശരീരത്തിനുള്ളിൽ കൊഴുപ്പ് അമിതമായി അടിഞ്ഞുകൂടുകയും അത് ആരോഗ്യപരമായ പ്രതികൂല ഫലങ്ങൾ ഉണ്ടാക്കുകയും ചെയുന്ന അവസ്ഥയാണ് പൊണ്ണത്തടി. നിലവിൽ ആഗോള ജനത നേരിടുന്ന ഏറ്റവും വലിയ വെല്ലുവിളികളിൽ ഒന്നാണ് പൊണ്ണത്തടി. ലോകമെമ്പാടുമുള്ള ദശലക്ഷക്കണക്കിന് ആളുകളെ ഇത് ബാധിക്കുന്നു. പ്രമേഹം, ഹൃദ്രോഗം, അർബുദം എന്നിവയുൾപ്പെടെ വിട്ടുമാറാത്ത രോഗങ്ങളുടെ സാധ്യത ഇത് വർദ്ധിപ്പിക്കുന്നു. എന്നിരുന്നാലും, പൊണ്ണത്തടി തടയാവുന്നതും ചികിത്സിക്കുവാൻ സാധിക്കുന്നതുമായ അവസ്ഥായാണ്.(Anti Obesity)
ലോകാരോഗ്യ സംഘടനയുടെ കണക്കുകൾ പ്രകാരം, രണ്ടായിരം ദശലക്ഷത്തോളം മനുഷ്യർ പൊണ്ണത്തടി ബാധിതരാണ്. പൊണ്ണത്തടി തടയുന്നതിന് ആരോഗ്യകരമായ ഭക്ഷണശീലങ്ങൾ, വ്യായാമം, സമ്മർദ്ദ നിയന്ത്രണ രീതികൾ എന്നിവ ഉൾപ്പെടുത്തിയ സമീപനമാണ് ആവശ്യം. ഒരു വ്യക്തിയുടെ ബോഡി മാസ് ഇൻഡക്‌സിന്റെ അടിസ്ഥാനത്തിലാണ് (ബിഎംഐ) പൊണ്ണത്തടി അളക്കുന്നത്. ബിഎംഐ 25 ആണെങ്കിൽ അമിതഭാരവും, 30 ബിഎംഐ ആണെങ്കിൽ അമിതവണ്ണവുമായി കണക്കാക്കുന്നു.
പൊണ്ണത്തടി കൂടുതലായി കാണപ്പെടുന്നത് സ്ത്രീകളിലാണ്. പൊണ്ണത്തടിയുള്ള വ്യക്തികളിൽ പലപ്പോഴും ലെപ്റ്റിൻ പ്രതിരോധം വികസിക്കുന്നു, ശരീരഭാരം നിയന്ത്രിക്കുന്നതിൽ ഗണ്യമായ സ്വാധീനം ചെലുത്തുന്ന അഡിപ്പോസൈറ്റുകൾ (കൊഴുപ്പ് കോശങ്ങൾ) ഉത്പാദിപ്പിക്കുന്ന പ്രോട്ടീൻ ഹോർമോണായ ലെപ്റ്റിനോടുള്ള സംവേദനക്ഷമത കുറയുന്നതാണ് ഈ അവസ്ഥയുടെ സവിശേഷത. ഊർജ്ജം, ചൂട് ഇൻസുലേഷൻ, ഷോക്ക് ആഗിരണം, മറ്റ് പ്രവർത്തനങ്ങൾ എന്നിവ സംഭരിക്കുന്നതിന് ശരീരത്തിലെ കൊഴുപ്പ് ആവശ്യമാണ്. എന്നാൽ ഇത് അധികമാകുന്നത് അമിതവണ്ണത്തിൻ്റെ വിട്ടുമാറാത്ത അവസ്ഥയിലേക്ക് നയിക്കുന്നു.
പൊണ്ണത്തടിയുടെ പ്രധാന കരണങ്ങൾ
ഉദാസീനമായ ജീവിതശൈലിയും ശാരീരിക പ്രവർത്തനങ്ങളുടെ അഭാവവുമാണ് പൊണ്ണത്തടിയിലേക്ക് വഴിവയ്ക്കുന്നു പ്രധാന കരണങ്ങൾ. ഭക്ഷണക്രമം, ജനിതകശാസ്ത്രം, നിഷ്‌ക്രിയത്വം, പാരിസ്ഥിതിക സ്വാധീനം എന്നിവയുൾപ്പെടെയുള്ള ഘടകങ്ങളുടെ സങ്കീർണ്ണമായ ഇടപെടലിൽ നിന്നാണ് പൊണ്ണത്തടി ഉണ്ടാകുന്നത്. ഇന്നത്തെ സ്കൂളുകൾ ശാരീരിക വിദ്യാഭ്യാസത്തിന് പ്രാധാന്യം നൽകാത്തതും കുട്ടികളെ പുസ്തകങ്ങളിൽ മാത്രം ഒതുക്കുന്നതുമാണ് കുട്ടികളെ പൊണ്ണത്തടിയിലേക്ക് തള്ളിവിടുന്നത്തിന് പ്രധാന കാരണം.
ജീനുകളും, പാരിസ്ഥിതിക ഘടകങ്ങളും പൊണ്ണത്തടിക്ക് കാരണമാകുന്നതിൽ ഒരു പ്രധാന പങ്ക് വഹിക്കുന്നു. വിശപ്പും മെറ്റബോളിസവും നിയന്ത്രിക്കുന്ന FTO പോലുള്ള ജീനുകളിലെ മ്യൂട്ടേഷനുകൾ പൊണ്ണത്തടിക്ക് കാരണമാകുന്നു. ഹൈപ്പോതൈറോയിഡിസം, കുഷിംഗ് സിൻഡ്രോം, വളർച്ചാ ഹോർമോൺ കുറവ്, ഇങ്ങനെ പ്രത്യേക രോഗ ചികിത്സക്കായി ഉപയോഗിക്കുന്ന ചില മരുന്നുകൾ ഹോർമോൺ അസന്തുലിതാവസ്ഥയക്ക് കരണക്കാരാണ്. ഇങ്ങനെയുള്ള മരുന്നുകൾ കഴിക്കുന്ന രോഗികളിൽ പൊണ്ണത്തടിയുടെ സാധ്യത വളരെ കൂടുതലാണ്.
പൊണ്ണത്തടി എങ്ങനെ ചികിത്സിക്കാം
പൊണ്ണത്തടി ഫലപ്രദമായി കൈകാര്യം ചെയ്യുന്നതിന് ആരോഗ്യകരമായ ജീവിതശൈലി ശീലങ്ങളോടുള്ള ദീർഘകാല പ്രതിബദ്ധത അനിവാര്യമാണ്. ഭക്ഷണക്രമത്തിലെ മാറ്റങ്ങൾ, വർദ്ധിച്ച ശാരീരിക പ്രവർത്തനങ്ങൾ, പെരുമാറ്റ മാറ്റങ്ങൾ, ചില സന്ദർഭങ്ങളിൽ മെഡിക്കൽ അല്ലെങ്കിൽ ശസ്ത്രക്രിയാ ഇടപെടലുകൾ എന്നിവ ഉൾപ്പെടുന്നു.
പതിവായി ഭാരം പരിശോധനകളിലൂടെ ശരീര ഭാരത്തിലെ പുരോഗതി നിരീക്ഷിക്കേണ്ടത് അത്യാവശ്യമാണ്. അതേസമയം പടികൾ കയറുകയോ ജോലിസ്ഥലത്തേക്ക് നടക്കുകയോ പോലുള്ള ദൈനംദിന ദിനചര്യകളിൽ ശാരീരിക പ്രവർത്തനങ്ങൾ ഉൾപ്പെടുത്തുന്നത് ആരോഗ്യകരമായ ഭാരം നിലനിർത്താൻ സഹായകമാകുന്നു. എന്നാൽ, അമിതവണ്ണം കുറയ്ക്കുവാൻ പെട്ടന്നുള്ള പരിഹാരമല്ല ശരീര ഭാരം ഒറ്റയടിക്ക് കുറയ്ക്കുക എന്നത്. കുറഞ്ഞ കലോറി ഭക്ഷണക്രമം, ചിട്ടയായ വ്യായാമം എന്നിവയിലൂടെ ശരീര ഭാരം കുറയ്ക്കുന്നതാണ് നല്ലത്.
പൊണ്ണത്തടിയെ പ്രതിരോധിക്കുവാൻ
കൂടുതൽ പഴങ്ങളും പച്ചക്കറികളും ദിനംപ്രതി ഭക്ഷണക്രമത്തിൽ ഉൾപ്പെടുത്തുക.
ധാന്യങ്ങൾ, പരിപ്പ്, പയർവർഗ്ഗങ്ങൾ എന്നിവ ധാരാളം കഴിക്കുക.
പൂരിത കൊഴുപ്പുകൾക്ക് പകരം കൂടുതൽ അപൂരിത കൊഴുപ്പുകൾ ഉൾപ്പെടുത്താൻ ഭക്ഷണക്രമം മാറ്റുക.
ദിവസം കുറഞ്ഞത് 30 മിനിറ്റ് എങ്കിലും വ്യായാമം ചെയുക.
പഞ്ചസാരയുടെ അളവ് കുറയ്ക്കുക.
മാദ്യപാനം കുറയ്ക്കുക.
ധാരാളം വെള്ളം കുറയ്ക്കുക.
രാത്രിയിലെ മതിയായ ഉറക്കം.
ഫാസ്റ്റ് ഫുഡ് പരിമിതപ്പെടുത്തുക.