തൃശ്ശൂർ: പൂരങ്ങളുടെ പൂരമായ തൃശ്ശൂർ പൂരത്തിന് ആനപ്രേമികളുടെ ഹരമായ കൊമ്പൻ തെച്ചിക്കോട്ടുകാവ് രാമചന്ദ്രനും എത്തുന്നു. ഇത്തവണയും ചെമ്പൂക്കാവ് ഭഗവതിയുടെ തിടമ്പേറ്റാനാണ് രാമചന്ദ്രൻ എത്തുന്നത്. കഴിഞ്ഞ വർഷവും ഇതേ വിഭാഗത്തിന്റെ തിടമ്പേറ്റി രാമചന്ദ്രൻ പൂരനഗരിയെ ആവേശത്തിലാഴ്ത്തിയിരുന്നു.(Thechikottukavu Ramachandran will arrive for Thrissur Pooram this time )
കേരളത്തിലങ്ങോളമിങ്ങോളം ആരാധകരുള്ള ഗജപ്രമുഖനാണ് തെച്ചിക്കോട്ടുകാവ് രാമചന്ദ്രൻ. എല്ലാ ഗജലക്ഷണങ്ങളും തികഞ്ഞ ആനയെന്ന് വിശേഷിപ്പിക്കപ്പെടുന്ന രാമചന്ദ്രനെ ആരാധകർ സ്നേഹത്തോടെ ‘രാമരാജൻ’ എന്നാണ് വിളിക്കുന്നത്.
കേരളത്തിൽ ഇന്ന് ജീവിച്ചിരിപ്പുള്ളതിൽ ഏറ്റവും ഉയരമുള്ള ആന എന്ന ഖ്യാതിയും രാമചന്ദ്രന് സ്വന്തമാണ്. രാമചന്ദ്രന്റെ പേരിൽ നിരവധി ഫേസ്ബുക്ക് പേജുകളും വാട്സാപ്പ് കൂട്ടായ്മകളും സജീവമാണ്. ഓരോ തവണയും ഈ കൊമ്പൻ പൂരപ്പറമ്പിലെത്തുമ്പോൾ വൻ ജനത്തിരക്കാണ് അനുഭവപ്പെടാറുള്ളത്.
