കൊച്ചി: ബോളിവുഡ് നടി സന്യ മൽഹോത്രയും പേളി മാണിയും വീണ്ടും ഒന്നിച്ചു (Sanya Malhotra Kochi). കേരള ടൂറിസത്തിന്റെ സഹകരണത്തോടെ കൊച്ചിയിൽ നടന്ന 70-ാമത് ഫിലിംഫെയർ അവാർഡ്സ് സൗത്ത് ചടങ്ങിൽ പങ്കെടുക്കാനെത്തിയതായിരുന്നു സന്യ. കൊച്ചിയിലെത്തിയ താരം തന്റെ പ്രിയ സുഹൃത്തായ പേളിക്കൊപ്പമാണ് ഞായറാഴ്ച ചെലവഴിച്ചത്.
“അതിമനോഹരമായ ഒരു ഞായറാഴ്ചയായിരുന്നു ഇത്. ദംഗൽ മുതൽ ഞാൻ സന്യയുടെ ആരാധകിയാണ്. ലുഡോയുടെ സെറ്റുകൾ മുതൽ കേരളത്തിലെ തെരുവുകൾ വരെ.. ആ പൊട്ടിച്ചിരിയും ചുരുളൻ മുടിയും മാത്രം മാറിയില്ല,” സന്യയ്ക്കൊപ്പമുള്ള ചിത്രങ്ങൾ പങ്കുവെച്ച് പേളി കുറിച്ചു.
തനിക്ക് ആതിഥേയത്വം നൽകിയ പേളിയോട് സന്യയും നന്ദി പറഞ്ഞു. “എന്റെ പ്രിയപ്പെട്ട പേർളൂ, നീ വളരെ ക്യൂട്ടും രസകരമായി സംസാരിക്കുന്നവളുമാണ്,” എന്ന് സന്യ ഇൻസ്റ്റഗ്രാമിൽ കുറിച്ചു.
View this post on Instagram
ആദ്യമായാണ് സന്യ മൽഹോത്ര കേരളത്തിലെത്തുന്നത്. കേരളത്തിന്റെ ഭംഗിയിൽ മനംനിറഞ്ഞ താരം ഇവിടുത്തെ ശാന്തമായ അന്തരീക്ഷത്തെ പ്രശംസിച്ചു. “എനിക്ക് ഇവിടെ നിന്ന് തിരിച്ചുപോകാൻ തോന്നുന്നില്ല, അത്ര മനോഹരമാണ് ഈ സ്ഥലം,” എന്നാണ് താരം കുറിച്ചത്.
ഹിന്ദി ചിത്രം ‘ലുഡോ’യിൽ ഇരുവരും ഒന്നിച്ച് അഭിനയിച്ചിരുന്നു. വർഷങ്ങൾക്കിപ്പുറവും ആ ആത്മബന്ധം കാത്തുസൂക്ഷിക്കുന്ന താരങ്ങളുടെ ചിത്രങ്ങൾ സോഷ്യൽ മീഡിയയിൽ വൈറലാണ്.
Story Summary:
Bollywood actress Sanya Malhotra, who was in Kochi for the 70th Filmfare Awards South, spent her Sunday with her ‘Ludo’ co-star Pearle Maaney. Both stars shared pictures of their get-together on social media, reminiscing about their friendship that started on the sets of Anurag Basu’s film.
