പത്തനംതിട്ട: മീനമാസ പൂജകൾക്കായി ശബരിമല ശ്രീധർമ്മശാസ്താ ക്ഷേത്രനട മാർച്ച് 14-ന് വൈകുന്നേരം തുറക്കും (Sabarimala temple opening date March 20240. വൈകിട്ട് അഞ്ച് മണിക്ക് തന്ത്രി കണ്ഠരര് മഹേഷ് മോഹനരുടെ മുഖ്യകാർമ്മികത്വത്തിൽ മേൽശാന്തി ഇ.ഡി. പ്രസാദ് നമ്പൂതിരി ശ്രീകോവിൽ നട തുറന്ന് ദീപം തെളിക്കും.
മാളികപ്പുറം ക്ഷേത്രനട മേൽശാന്തി എം.ജി. മനു നമ്പൂതിരിയുടെ നേതൃത്വത്തിൽ മാർച്ച് 14 വൈകിട്ട് 5 മണിക്കാണ് നട തുറക്കുന്നത്. മീനമാസ പൂജകൾ പൂർത്തിയാക്കി മാർച്ച് 19-ന് രാത്രി 10 മണിക്ക് നട അടയ്ക്കും. ഉത്സവത്തിനായി മാർച്ച് 22-ന് നട വീണ്ടും തുറക്കും. 23-നാണ് പൈങ്കുനി ഉത്രം ഉത്സവം കൊടിയേറുന്നത്. ഏപ്രിൽ ഒന്നിന് പമ്പയിൽ ആറാട്ടോടുകൂടി ഉത്സവം സമാപിക്കും.
ദർശനത്തിനായി ഭക്തർ വെർച്വൽ ക്യൂ (Virtual Queue) സ്ലോട്ട് മുൻകൂട്ടി ബുക്ക് ചെയ്യേണ്ടതാണ്. സന്നിധാനത്തെ മുറികൾ ഓൺലൈനായി ബുക്ക് ചെയ്യാനുള്ള സൗകര്യം ലഭ്യമാണ്.
മീനമാസ പൂജയോടനുബന്ധിച്ച് പടിപൂജ, ഉദയാസ്തമന പൂജ തുടങ്ങിയ പ്രത്യേക വഴിപാടുകൾ സന്നിധാനത്ത് ഉണ്ടായിരിക്കും. ഭക്തജനത്തിരക്ക് കണക്കിലെടുത്ത് പമ്പയിലും സന്നിധാനത്തും കെഎസ്ആർടിസി പ്രത്യേക സർവീസുകളും മറ്റ് സൗകര്യങ്ങളും ഏർപ്പെടുത്തിയിട്ടുണ്ട്.
Story Summary:
The Sabarimala temple will open on March 14, 2026, for the Meenam month poojas. Thantri Kandararu Mahesh Mohanar and Melsanthi E.D. Prasad Namboothiri will lead the rituals. The temple will close on March 19 and reopen on March 22 for the Painkuni Uthram festival, which begins with the kodiyettu (flag hoisting) on March 23. Devotees are requested to book their Virtual Queue slots and rooms online for darshan.
