കൊച്ചി: ‘ജന ഗണ മന’യ്ക്ക് ശേഷം ഡിജോ ജോസ് ആന്റണി ഒരുക്കുന്ന പീരീഡ് ത്രില്ലർ ‘പള്ളിച്ചട്ടമ്പി’ക്കായി ആരാധകർ ആവേശത്തോടെയാണ് കാത്തിരിക്കുന്നത് (Tovino Thomas). 1950-60 കാലഘട്ടത്തിലെ കഥ പറയുന്ന ചിത്രത്തിലെ പുതിയ ഗാനം ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു. ഹിറ്റ് മേക്കർ ജേക്ക്സ് ബിജോയിയാണ് ചിത്രത്തിന് സംഗീതം നൽകിയിരിക്കുന്നത്. ജോബ് കുര്യൻ ആലപിച്ച ‘മാവീരൻ’ എന്ന ഗാനം ടൊവിനോയുടെ കരുത്തുറ്റ പ്രകടനം കൊണ്ടാണ് ശ്രദ്ധേയമാകുന്നത്.
ചിത്രത്തിലെ ആദ്യ ഗാനമായ ‘കാട്ടുച്ചെമ്പകം’ ഇതിനോടകം 15 മില്ല്യൺ വ്യൂസുമായി യൂട്യൂബിലും ഇൻസ്റ്റാഗ്രാം റീൽസിലും റെക്കോർഡുകൾ സൃഷ്ടിച്ചിരുന്നു. അതിന് പിന്നാലെയാണ് മാവീരൻ എത്തുന്നത്. ക്വീൻ, ജന ഗണ മന, മലയാളി ഫ്രം ഇന്ത്യ എന്നീ ചിത്രങ്ങൾക്ക് ശേഷം ഡിജോയും ജേക്ക്സും ഒന്നിക്കുന്ന നാലാമത്തെ ചിത്രമാണിത്.
എസ്. സുരേഷ് ബാബു തിരക്കഥയൊരുക്കിയ ചിത്രത്തിൽ വിജയരാഘവൻ, സുധീർ കരമന, ബാബുരാജ് തുടങ്ങിയ വൻ താരനിര അണിനിരക്കുന്നുണ്ട്. ടിജോ ടോമിയാണ് ഛായാഗ്രഹണം. അഞ്ച് ഭാഷകളിലായി പാൻ ഇന്ത്യൻ റിലീസായാണ് ചിത്രം പ്രേക്ഷകരിലേക്ക് എത്തുന്നത്. ഏപ്രിൽ 10-ന് ലോകമെമ്പാടുമുള്ള തിയേറ്ററുകളിൽ പള്ളിച്ചട്ടമ്പി പ്രദർശനത്തിനെത്തും.
Short Story Summary:
The second song, ‘Maaveeran,’ from Tovino Thomas’s upcoming period drama ‘Pallichattambi’ directed by Dijo Jose Antony, has been released. Featuring Tovino as a weapon trainer, the song composed by Jakes Bejoy and sung by Job Kurian is already trending. Following the massive success of the first track ‘Kattuchembakam,’ this 1950s-set thriller is slated for a grand Vishu release on April 10 in five languages.
