മലപ്പുറം: പ്രശസ്ത സോപാന സംഗീത കലാകാരൻ ഞെരളത്ത് ഹരിഗോവിന്ദൻ മുസ്ലിം ലീഗിൽ അംഗത്വമെടുത്തു. പാണക്കാട് എത്തിയാണ് അദ്ദേഹം പാർട്ടി മെമ്പർഷിപ്പ് സ്വീകരിച്ചത്. (Njeralathu Harigovindan joined the Muslim League, takes membership )
രാഷ്ട്രീയത്തിനപ്പുറം പാണക്കാട് കുടുംബം ഉയർത്തിപ്പിടിക്കുന്ന വിശ്വമാനവികതയിലുള്ള വിശ്വാസമാണ് തന്നെ ലീഗിലെത്തിച്ചതെന്ന് ഹരിഗോവിന്ദൻ പ്രതികരിച്ചു. വിശ്വമാനവികത ഉയർത്തിപ്പിടിക്കുന്ന നേതാവാണ് സാദിഖലി തങ്ങൾ. ആ വലിയ ആശയത്തോട് ചേർന്നുനിൽക്കാനാണ് തന്റെ തീരുമാനം.
അങ്ങാടിപ്പുറം ക്ഷേത്രം കത്തിയപ്പോൾ അവിടെ ആദ്യം ഓടിയെത്തിയ വ്യക്തി സാദിഖലി തങ്ങളാണ്. അത്തരമൊരു മതസൗഹാർദ്ദ പാരമ്പര്യത്തെയാണ് താൻ പിന്തുടരുന്നത്. നിയമസഭാ തിരഞ്ഞെടുപ്പിൽ യുഡിഎഫിന്റെ പ്രചാരണ വേദികളിൽ സജീവമായിരിക്കുമെന്ന് അദ്ദേഹം വ്യക്തമാക്കി.
