തിരുവനന്തപുരം: ഈ വർഷത്തെ എസ്.എസ്.എൽ.സി പരീക്ഷാഫലം പ്രഖ്യാപിച്ചു. തിരുവനന്തപുരത്ത് നടന്ന വാർത്താസമ്മേളനത്തിൽ പൊതുവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയാണ് ഫലപ്രഖ്യാപനം നടത്തിയത്. വിജയ ശതമാനം 99.07. പരീക്ഷ എഴുതിയ 4,17,497 വിദ്യാർത്ഥികളാണ് ഫലത്തിനായി കാത്തിരിക്കുന്നത്.(Kerala SSLC Exam Results Announced Official Websites To Release Result At Three Thirty PM)
ഉച്ചയ്ക്ക് 3.30 മുതൽ സർക്കാരിന്റെ ഔദ്യോഗിക വെബ്സൈറ്റുകൾ വഴി ഫലം ലഭ്യമായിത്തുടങ്ങും. കഴിഞ്ഞ വർഷം 99.5 ശതമാനമായിരുന്നു സംസ്ഥാനത്തെ ആകെ വിജയശതമാനം. പരീക്ഷയിൽ പരാജയപ്പെട്ടവർക്കോ മാർക്ക് വർദ്ധിപ്പിക്കാൻ ആഗ്രഹിക്കുന്നവർക്കോ വേണ്ടിയുള്ള ‘സേ’ പരീക്ഷ ഈ മാസം അവസാനം തന്നെ നടത്തുന്നതിനുള്ള ക്രമീകരണങ്ങൾ പൂർത്തിയായിട്ടുണ്ട്. ഉന്നത പഠനത്തിനായുള്ള പ്ലസ് വൺ പ്രവേശന നടപടികൾ ജൂൺ ആദ്യ ആഴ്ചയോടെ ആരംഭിക്കുമെന്നും അധികൃതർ വ്യക്തമാക്കി. വിദ്യാഭ്യാസ വകുപ്പിന്റെ ഔദ്യോഗിക പോർട്ടലുകൾ വഴിയും മൊബൈൽ ആപ്പുകൾ വഴിയും വിദ്യാർത്ഥികൾക്ക് ഫലം പരിശോധിക്കാം.
കഴിഞ്ഞ വർഷത്തെ വിജയശതമാനമായ 99.05-നേക്കാൾ നേരിയ വർദ്ധനവ് ഇക്കുറി രേഖപ്പെടുത്തിയിട്ടുണ്ട്. പരീക്ഷയെഴുതിയ വിദ്യാർത്ഥികളിൽ 30,514 പേർ എല്ലാ വിഷയങ്ങൾക്കും എ പ്ലസ് നേടി തിളക്കമാർന്ന വിജയം സ്വന്തമാക്കി. എസ്.എസ്.എൽ.സി പരീക്ഷയ്ക്ക് പുറമെ ടി.എച്ച്.എസ്.എൽ.സി, ടി.എച്ച്.എസ്.എൽ.സി (ഹിയറിങ് ഇംപേർഡ്), എസ്.എസ്.എൽ.സി (ഹിയറിങ് ഇംപേർഡ്), എ.എച്ച്.എസ്.എൽ.സി എന്നീ പരീക്ഷകളുടെ ഫലവും ഇതോടൊപ്പം പുറത്തുവിട്ടിട്ടുണ്ട്. പൊതുവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയാണ് വാർത്താസമ്മേളനത്തിൽ ഔദ്യോഗികമായി ഫലം പ്രഖ്യാപിച്ചത്.
പുതുക്കിയ പാഠപുസ്തകങ്ങളുടെയും ചോദ്യപേപ്പറിന്റെ ഘടനയിലെ മാറ്റങ്ങളുടെയും പശ്ചാത്തലത്തിൽ നടന്ന ആദ്യ പരീക്ഷയായിരുന്നു ഇത്. മാർച്ച് 5 മുതൽ 30 വരെ നടന്ന പരീക്ഷയിൽ 4.17 ലക്ഷം വിദ്യാർത്ഥികളാണ് പങ്കെടുത്തത്. സംസ്ഥാനത്തെ 72 കേന്ദ്രങ്ങളിലായിട്ടായിരുന്നു മൂല്യനിർണ്ണയ ക്യാമ്പുകൾ പ്രവർത്തിച്ചിരുന്നത്. ഉച്ചയ്ക്ക് 3.30 മുതൽ വിദ്യാർത്ഥികൾക്ക് ഫലങ്ങൾ വെബ്സൈറ്റുകളിൽ ലഭ്യമായിത്തുടങ്ങും. results.kerala.gov.in, examresults.kerala.gov.in എന്നീ ഔദ്യോഗിക വെബ്സൈറ്റുകൾക്ക് പുറമെ ഇത്തവണ ഡിജി ലോക്കറിലും ഫലം ലഭ്യമാക്കിയിട്ടുണ്ട്. ഇതുകൂടാതെ സംസ്ഥാന ഐ.ടി മിഷന്റെ 9188619958 എന്ന വാട്സ്ആപ്പ് നമ്പറിലൂടെയും വിദ്യാർത്ഥികൾക്ക് വേഗത്തിൽ ഫലം അറിയാനാകും.
ആകെ 4,14,290 വിദ്യാർത്ഥികളാണ് ഉപരിപഠനത്തിന് യോഗ്യത നേടിയത്. 30,514 വിദ്യാർത്ഥികൾ എല്ലാ വിഷയങ്ങൾക്കും ഫുൾ എ പ്ലസ് (A+) സ്വന്തമാക്കി. കഴിഞ്ഞ തവണ 61,449 പേർക്കായിരുന്നു ഫുൾ എ പ്ലസ് ലഭിച്ചിരുന്നത്. പരീക്ഷാഫലത്തിൽ ഇത്തവണയും പെൺകുട്ടികളാണ് മുന്നിട്ടുനിൽക്കുന്നത്. 99.22 ശതമാനം പെൺകുട്ടികൾ ഉപരിപഠനത്തിന് അർഹത നേടി. ഫുൾ എ പ്ലസ് തിളക്കത്തിലും പെൺകുട്ടികൾ തന്നെയാണ് മുന്നിൽ; 20,771 പെൺകുട്ടികൾക്ക് എല്ലാ വിഷയത്തിലും എ പ്ലസ് ലഭിച്ചപ്പോൾ 9,743 ആൺകുട്ടികളാണ് ഈ നേട്ടം കൈവരിച്ചത്. പ്രൈവറ്റ് വിഭാഗത്തിൽ പരീക്ഷയെഴുതിയ 251 പേരിൽ 189 പേർ വിജയിച്ചു (75.3%).
വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ലയായി 100 ശതമാനം വിജയത്തോടെ കുട്ടനാട് തെരഞ്ഞെടുക്കപ്പെട്ടു. റവന്യൂ ജില്ലകളിൽ പത്തനംതിട്ടയാണ് വിജയശതമാനത്തിൽ ഏറ്റവും മുന്നിലുള്ളത്. കൊല്ലം ജില്ലയിലെ 11.6 ശതമാനം വിദ്യാർത്ഥികൾ ഫുൾ എ പ്ലസ് നേടി മികച്ച വിജയം കാഴ്ചവെച്ചു. സംസ്ഥാനത്താകെ 3,059 സ്കൂളുകളിലായി നടന്ന പരീക്ഷയുടെ മൂല്യനിർണ്ണയം 72 ക്യാമ്പുകളിലായിട്ടാണ് പൂർത്തിയാക്കിയത്. അതേസമയം, പരീക്ഷാഫലത്തിന്റെ പുനർമൂല്യനിർണ്ണയത്തിനും (Revaluation) സൂക്ഷ്മപരിശോധനയ്ക്കും ഫോട്ടോ കോപ്പിക്കുമായി വിദ്യാർത്ഥികൾക്ക് മേയ് 16 (നാളെ) മുതൽ മേയ് 21 വരെ ഓൺലൈനായി അപേക്ഷിക്കാവുന്നതാണ്.
Story Summary
The SSLC examination results have been officially announced by the Principal Secretary of the General Education Department. Results will be available online from 3:30 PM for over 4.17 lakh students, with SAY exams scheduled for the end of this month and Plus One admissions in early June.
