കൊച്ചി: കഴിഞ്ഞ കുറച്ച് ദിവസങ്ങളായി സ്വർണവിപണിയിലുണ്ടായ കടുത്ത ചാഞ്ചാട്ടങ്ങൾക്കും വിലക്കയറ്റത്തിനും പിന്നാലെ സംസ്ഥാനത്ത് ഇന്ന് സ്വർണവില മാറ്റമില്ലാതെ തുടരുന്നു (Gold Price Kerala). ഗ്രാമിന് 13,685 രൂപയിലും പവന് 1,09,480 രൂപയിലുമാണ് ചൊവ്വാഴ്ച വ്യാപാരം പുരോഗമിക്കുന്നത്. 18 കാരറ്റ് സ്വർണത്തിന് ഗ്രാമിന് 11,245 രൂപയാണ് ഇന്നത്തെ നിരക്ക്.
നാല് ദിവസത്തിനിടെ പവന് 3,480 രൂപയുടെ വർധനവ് രേഖപ്പെടുത്തിയ ശേഷമാണ് ഇന്ന് വിപണി ശാന്തമായത്. തിങ്കളാഴ്ച മാത്രം മൂന്ന് തവണയാണ് വിലയിൽ മാറ്റം വന്നത്. രാവിലെ വില കുറഞ്ഞെങ്കിലും ഉച്ചയോടെയും വൈകുന്നേരത്തോടെയും വലിയ രീതിയിലുള്ള കുതിച്ചുചാട്ടമാണ് ഉണ്ടായത്.
ഈ മാസം സ്വർണവിലയിൽ അപ്രതീക്ഷിതമായ ഉയർച്ച താഴ്ചകളാണ് ദൃശ്യമാകുന്നത്. മാർച്ച് 23 ന് നാല് തവണയാണ് അന്ന് വില മാറിമറിഞ്ഞത്. ഒരു ലക്ഷത്തിന് താഴേക്ക് പോയ പവൻ വില വൈകുന്നേരത്തോടെ വീണ്ടും ലക്ഷം കടന്നു. മാർച്ച് ഒന്നിന് രേഖപ്പെടുത്തിയ 1,26,920 രൂപയാണ് ഈ മാസത്തെ ഇതുവരെയുള്ള റെക്കോർഡ് വില.
തുടർച്ചയായ വർധനവിന് ശേഷം വില നിശ്ചലമായി നിൽക്കുന്നത് ആഭരണപ്രേമികൾക്കും നിക്ഷേപകർക്കും നേരിയ ആശ്വാസം നൽകുന്നുണ്ട്. എങ്കിലും വരും ദിവസങ്ങളിലും വിപണിയിൽ അസ്ഥിരത തുടരാനാണ് സാധ്യത.
Story Summary:
Gold prices remained steady in Kerala on Tuesday after a series of fluctuations and a significant hike over the last four days. A sovereign of gold is currently trading at ₹1,09,480, while the gram price stands at ₹13,685. This follows a volatile Monday where prices changed thrice within a single day.
