തിരുവനന്തപുരം: വന്യജീവി ആക്രമണത്തിൽ ജീവൻ നഷ്ടപ്പെടുന്നവരുടെ കുടുംബങ്ങൾക്കുള്ള ധനസഹായം 10 ലക്ഷത്തിൽ നിന്ന് 14 ലക്ഷം രൂപയായി സർക്കാർ വർധിപ്പിച്ചു (Kerala cabinet decisions 2026). വന്യജീവി ശല്യം രൂക്ഷമായ സാഹചര്യത്തിൽ വലിയൊരു ആശ്വാസ നടപടിയായാണ് സർക്കാർ ഇതിനെ കാണുന്നത്. ഇന്ന് ചേർന്ന മന്ത്രിസഭാ യോഗത്തിലാണ് ഈ സുപ്രധാന തീരുമാനം കൈക്കൊണ്ടത്.
മന്ത്രിസഭാ യോഗത്തിലെ മറ്റ് പ്രധാന തീരുമാനങ്ങൾ:
ഇടുക്കി ജില്ലയിലെ പട്ടയ ഭൂമിയുമായി ബന്ധപ്പെട്ട് വർഷങ്ങളായി നിലനിന്നിരുന്ന നിയന്ത്രണങ്ങളിൽ അയവ് വരുത്തി. ഇനി മുതൽ പട്ടയ ഭൂമിയിൽ വീടു വയ്ക്കാനും കൃഷിക്കുമായി മാത്രം ഉപയോഗിക്കണമെന്ന വ്യവസ്ഥ മാറ്റി, മറ്റ് നിർമ്മാണ പ്രവർത്തനങ്ങളും നടത്താൻ അനുമതി നൽകി.
സംസ്ഥാനത്തിന്റെ സമഗ്ര സിനിമാ നയത്തിന് മന്ത്രിസഭ അംഗീകാരം നൽകി. സിനിമാ മേഖലയിലെ സ്ത്രീ സുരക്ഷയും തൊഴിൽ സാഹചര്യങ്ങളും മെച്ചപ്പെടുത്താൻ ലക്ഷ്യമിട്ടുള്ള പരിഷ്കാരങ്ങൾ ഇതിലുണ്ടാകുമെന്നാണ് കരുതുന്നത്.
യുവതീ പ്രവേശനവുമായി ബന്ധപ്പെട്ട വിഷയങ്ങളിൽ ഇന്ന് തീരുമാനങ്ങൾ ഒന്നും ഉണ്ടായില്ല. എന്നാൽ ശനിയാഴ്ച രാവിലെ ഏഴുമണിക്ക് മന്ത്രിസഭ വീണ്ടും യോഗം ചേരുന്നുണ്ട്.
വന്യജീവി ആക്രമണത്തിന് ഇരയാകുന്നവർക്കുള്ള ചികിത്സാ സഹായം വർധിപ്പിക്കുന്നത് ഉൾപ്പെടെയുള്ള കൂടുതൽ പ്രഖ്യാപനങ്ങൾ വരും ദിവസങ്ങളിൽ ഉണ്ടായേക്കാം.
Story Summary: The Kerala Cabinet has increased the compensation for families of wildlife attack victims to ₹14 lakh. It also approved construction on assigned lands in Idukki and gave the green light to the new Cinema Policy. No decision was made regarding Sabarimala women’s entry, and the cabinet is scheduled to meet again on Saturday.
