തിരുവനന്തപുരം: കേന്ദ്ര ആരോഗ്യ കുടുംബക്ഷേമ മന്ത്രാലയത്തിന് കീഴിലുള്ള മിനിരത്ന സ്ഥാപനമായ എച്ച്.എൽ.എൽ ലൈഫ് കെയർ ലിമിറ്റഡിൽ (HLL) മാനേജ്മെന്റ് ട്രെയിനി തസ്തികകളിലേക്ക് അപേക്ഷിക്കാനുള്ള അവസാന തീയതി നീട്ടി (HLL Lifecare recruitment 2026). ഉദ്യോഗാർത്ഥികൾക്ക് ഇപ്പോൾ ഏപ്രിൽ 15 വരെ അപേക്ഷകൾ സമർപ്പിക്കാവുന്നതാണ്. വിവിധ മേഖലകളിൽ കരിയർ കെട്ടിപ്പടുക്കാൻ ആഗ്രഹിക്കുന്ന പ്രൊഫഷണലുകൾക്ക് ഇതൊരു മികച്ച അവസരമാണ്.
ഒഴിവുള്ള വിഭാഗങ്ങൾ:
എച്ച്.ആർ (HR), മാർക്കറ്റിംഗ്, ഫാർമ, സോഷ്യൽ വർക്ക്, ഡാറ്റ അനലറ്റിക്സ്, ഹോസ്പിറ്റൽ മാനേജ്മെന്റ്, എഞ്ചിനീയറിംഗ് എന്നീ സ്ട്രീമുകളിലേക്കാണ് നിയമനം നടക്കുന്നത്.
യോഗ്യതകൾ
ബി.ടെക്, ബി.ഫാം, എം.ബി.എ (മാർക്കറ്റിംഗ്/എച്ച്.ആർ), എം.എസ്.ഡബ്ല്യു (മെഡിക്കൽ ആൻഡ് സൈക്യാട്രി), ബി.എസ്.സി, ബി.ഇ എന്നിവയാണ് പ്രധാന യോഗ്യതകൾ.
അവസാന വർഷ പരീക്ഷ എഴുതി ഫലം കാത്തിരിക്കുന്നവർക്കും അപേക്ഷിക്കാം. എന്നാൽ ഇന്റർവ്യൂ സമയത്ത് 65% മാർക്കോടെയുള്ള പ്രൊവിഷണൽ സർട്ടിഫിക്കറ്റ് ഹാജരാക്കേണ്ടതുണ്ട്.
കരിയർ വളർച്ച
പരിശീലന കാലാവധി വിജയകരമായി പൂർത്തിയാക്കുന്ന ഉദ്യോഗാർത്ഥികളെ ഡെപ്യൂട്ടി മാനേജർ തസ്തികയിൽ സ്ഥിരപ്പെടുത്തുന്നതാണ്.
അപേക്ഷിക്കേണ്ട വിധം
താല്പര്യമുള്ളവർ www.lifecarehll.com/careers എന്ന വെബ്സൈറ്റ് വഴി ഓൺലൈനായി അപേക്ഷിക്കണം.
Story Summary:
HLL Lifecare Limited has extended the application deadline for Management Trainee positions in various streams like HR, Marketing, Pharma, and Engineering until April 15, 2026. Candidates with B.Tech, MBA, MSW, and B.Pharm degrees, including final-year students, are eligible to apply. Successful trainees will be appointed as Deputy Managers.
